2013年12月22日星期日

兩母子做MODEL

15 DECEMBER 2013(SUN)

早前參加 Yes-Parents.com x Smart Family活動, 好幸運都可以入選成為親子組嘅頭五名,所以今日下午我地就去左Smart Family位於西環嘅店舖,兩母子齊齊做MODEL啦~
Picture

今日Smart Family為我地準備左兩套親子裝,我依個親子裝控一聽到話有著親子影靚相,當然係非常樂意啦!

我地去到負責人先為我少少化妝先,其實我都好耐冇化妝,平日我都真係好少攪化妝,平日出席活動都只係簡單塗吓粉餅等個面色好啲,如果又塗胭脂又化埋眼咁,真係好耐都冇試過啦!

好在我都算OK,好快就扮完靚靚,準備去影相啦!

由於我地要望住攝影師哥哥部相機,所以大肥豬就負擔係旁邊影吓我地,等我留個紀念啦!

第一套就比較簡單啲嘅屋仔衫,不過我都幾鐘意小小豬對鞋仔,好有型呀~
PicturePicturePicture

第二套就係迷彩FEEL,雖然係好貼身,但著上身我又出奇地影得我一啲都唔肥,仲好瘦添。小小豬仲更加唔洗講,好型仔呀~
PicturePicturePicture

其實我都真係幾鐘意套迷彩親子裝,型格之餘個質地又幾好,仲係韓國入口貨。不過,亦都係因為依個關係,個價錢都有少少貴,如果兩套買晒又真係幾肉痛,所以最後我都係唔捨得買,唯有當著過嚟影相就當擁有過啦!

可以小小豬今朝一早起身返完主日學之後就趕嚟做MODEL仔,所以佢狀態都係一般,不過好在都叫做影到幾張相交都功課咁啦,如果可以加多少少笑容就仲好啦!

影完相當然仲有嘅玩啦,就係請各位朋友仔投選“我最喜愛Smart大獎”。雖然我都知道比賽多LIKE嘅活動我地勝出機會都幾微,不過既然參加得比賽都要支持吓...拉吓票,唔好做最包尾嘛!

所以請大家CLICK去下面張相,之後按個LIKE,咁就可以支持我地啦~
Picture

你嘅一票好重要,希望大家可以支持支持,多謝晒!

沒有留言:

發佈留言