2013年12月23日星期一

MyBB試用小隊 - Renew純天然洗護產品

18 DECEMBER 2013(WED)

今次係MyBB試用小隊抽到一份好好用嘅試用產品,就係三款純天然洗護產品~
Picture

其實Renew依個品牌我都聽好多朋友介紹過,係屬於一個天然環保洗護品牌,採用天然原料,如檸檬酸粉、膨化粉、植物活性物等,產品中不添加螢光增白劑、氯殺菌劑、香精、磷、酶及石化等有害化學物質。產品可被生物降解,既能高效清潔、分解污垢、抑菌護膚,洗滌後的水可直接排放江河湖海和灌溉農作物,保護水資源、地球環境及人類健康。

此外,經瑞士SGS產品安全測試,證實抗菌度高達99.9%。有效抑制大腸桿菌,金黃色葡萄球菌,白色念珠菌等病原菌,真係健康嘅保障

雖然小小豬都已經三歲多,不過因為小小豬濕疹關係,我都依家買嬰幼兒洗衣粉嚟同小小豬洗衫,所以這兩款洗衣粉我都有試用。

小小豬當然係用專為嬰幼兒而設,最新防敏、抗菌、除蟎蟲配方嘅BB抗菌洗衣粉~
PicturePicturePicture

我地大人就用抗敏、除菌、去甲醛、鎖色、柔順、抗靜電,多效合一配方嘅家庭無泡洗衣粉~
PicturePicturePicture

由於我係機洗關係,所以唔可以親身感受洗衣過程嘅分別。不過我就刻意唔落消毒藥水同衣物柔順劑一齊洗,想睇吓佢地洗完之後嘅分別。發覺洗完的衣服都非常軟屬而且又無「嗡」味,效果都大分理想,可以考慮長遠轉用呀!

另一款產品我就覺得非常之好用,就係萬用清潔粉~
PicturePicture

其實佢嘅用途真係好廣泛,可以用於食具、櫥櫃、油煙機、排氣扇、煤氣爐、冰箱、輪胎、車內座位、瓷磚、 玻璃器皿、 膠地板、木地板、門窗戶扇、地毯、塑膠製品、浴室瓷具、皮鞋、運動鞋、皮革、沙發等。

雖然好多用途,不過有咁好嘅產品,我當然留嚟用係小小豬物品,所以我就將佢用嚟同小小豬洗吓啲鞋仔。

將清潔粉依1000ml水:2-5g粉的比例加入水中,攪拌均勻後便可使用~
PicturePicture

我分別幫小小豬對波鞋仔同膠鞋仔洗白白(真係失禮晒...俾大家近距離見到小小豬對鞋仔幾污衊添)~
PicturePicture

之前未用依個清潔粉時,我都係用藍威寶加擦仔嚟同小小豬洗鞋,有時仲要好大力咁擦先會乾淨。不過今次用清潔粉就方便好多,輕輕用毛巾抹幾吓就可以,只係某一些"積"位置要大力少少,真係輕鬆好多呀~
PicturePicture

我覺得最好就係用完之後唔會傷手,因為我係一個唔鐘意用手套嘅人,所以之前用其他嘅清潔用品之後,我對手都一定會好唔舒服,要勁洗手同勁搽CREAM先叫做好少少。不過今次我雙手完全冇感到唔舒服,就連CREAM都唔洗搽呀!

整體上今次試用Renew產品效果真係幾好,加上環保天然配方,不含有害化學物質,所以用完之後都會再買嚟用呀!

Renew仲有好多唔同種類嘅產品,大家可以瀏覽佢地網頁: http://www.renew-cleansing.com/zh-hk/home.html  或者FACEBOOK專頁:https://www.facebook.com/renewhk

沒有留言:

發佈留言