2014年12月24日星期三

聖誕小天使

24 DECEMBER 2014(SAT)

今個平安夜小小豬變身成為一個小天使,同一班小朋友一齊去報佳音!

一見到小小豬依個可愛天使LOOK,真係忍唔住要同佢影番張相呀~
Picture

小小豬一換左件小天使衫之後,真係可愛左好多(又嚟唔知醜媽媽係度讚個仔啦),扮埋個小樂器上手,邊唱邊搖,真係冧C我呀啦~
PicturePicturePicture

綵排左一陣,有一個神秘嘉賓嚟同班小朋友玩,就係由其中一位神父扮聖誕老人呀~
Picture

小小豬嘅神奇事就由見到聖誕老人開始,因為導師問小朋友有冇問題問聖誕老人。平日小小豬都係比較怕羞,但估唔到佢依一刻識得咁主動地舉行,仲問左個好攪笑問題~
Picture

小小豬問嗰個問題就係:我呢....我呢...我其實係好鐘意食飯,咁聖誕老人鐘唔鐘意食飯呀~
Picture

同聖誕老人玩左一陣,之後就開始出去聖堂門口報佳音啦~
PicturePicturePicturePicture

坦白講,今次小小豬嘅表現真係好...唔乖,頭嗰幾首歌都唔肯企定定嚟歌,到左最後嗰幾首歌先肯乖乖一齊唱。睇見佢周身郁嗰一刻我啲火都真係不停上升,嬲C我呀!

但當我返到屋企回心再想,一向小小豬嘅社交都係比其他小朋友弱,可能開頭嘅周身郁係表示佢嘅不安。不過,到最後幾首歌都可以一齊唱,咁都應該俾返少少鼓勵佢啦!

聖堂每年都有報佳音活動,雖然今年小小豬表現都係幾差,不過出年我都會再為佢報名,同時間依一年我地都會集中訓練一下小小豬,希望明年可以有好嘅表現。

係由邊度跌倒,就要係嗰度起返身,我要對小小豬有信心,我知佢一定係可以做到呀!

2014年12月23日星期二

試用:位元堂護髮產品

23 DECEMBER 2014(FRI)

謝謝SHE.COM嘅安排,等我有機會可以試用位元堂嘅護髮產品~
Picture

因為我頭髮嘅長度剛去到個尷尬位置,我又好怕用大量時間去吹直啲頭髮,所以我基本上每日都住把頭髮。可能係因為得多,所以頭髮都比較易折斷同埋有掉髮問題,剛剛收到依份試用產品,唔知可唔可以幫到我個獅子頭呢!

位元堂中藥防掉髮洗髮露~
Picture

產品採用了銀杏、製何首烏、生薑、墨旱蓮等健髮藥材,能徹底及溫和地潔淨髮絲與頭皮,有效地護髮健髮,頭皮健康,才會長出亮澤堅韌頭髮,從而也能減少因指梳理斷裂所造成的掉髮~
Picture

洗髮露的顏色就有少少似花生醬的顏色,氣味方面我曾經都有擔心以中藥成份嘅洗髮露味道會好濃烈,用後發覺味道都唔算太濃。份量少少就能輕易起泡,起泡量都不錯哦~
PicturePicture

位元堂中藥防掉髮護髮素~
Picture

成份方面,與洗髮露一樣都係以銀杏葉、製何首烏、生薑、墨旱蓮等護髮健髮中草藥精製而成,有助修補髮絲,刺激毛囊生髮。

護髮素呈乳白色的,與洗髮露一樣都有淡淡嘅藥材味道~
PicturePicture

另外的兩件產品就係位元堂最新推出嘅本草修護精華,萃取天然漢方本草,成份能抵禦環境對頭髮的損害,修護受損髮絲,質感潤而不黏,迅速滲透,細心呵護每一吋髮絲,令每吋髮絲倍添光采。高貴、清新的花香更令你心靈出奇的舒暢、愉悅。

輕柔保濕系列(玫瑰味)~
Picture

產品採用了製何首烏、金鏤梅、甜葉菊及玫瑰,有助烏黑亮澤及保護髮色同時亦可以作深層滋潤,預防髮絲開叉~
Picture

質地呈水狀,一打開樽就聞到好香嘅玫瑰味啦~
Picture

滋養亮澤系列(甘菊味)~
Picture

以人參、墨旱蓮、鼠尾草及甘菊製成,可以深層滋潤和修補受損髮絲,促進髮絲吸收營養從而迅速滲透營養到髮絲,滋潤乾旱髮絲~
Picture

與玫瑰味一樣都是呈水狀質地,不過就換來淡淡嘅甘菊香味~
Picture

兩種味道我用法都時相同,洗髮後按出適量修護精華,然然均勻塗抺於髮尾或受損髮絲上~
Picture

我好乖乖咁使用位元堂依一系列嘅護髮產品都有差不多兩星期左右,我覺得明顯有最大改善係頭髮強韌左,因為依家紮頭髮時折斷嘅情況減少左。同時亦都覺得頭髮順滑左,梳頭時都唔覺得有纏結的問題~
Picture

其實初步成效我都覺得唔錯,希望繼續用可以改善到我嘅髮質,因為有好嘅髮質先可以留到長頭髮,我真係好想再一次成為長髮靚媽媽呀!

 

More Information :
Website:
http://www.waiyuentong.com/
Facebook:https://www.facebook.com/waiyuentonghk?pnref=lhc

 

2014年12月22日星期一

7-Eleven之戀上冬日

22 DECEMBER 2014(MON)

謝謝 7-Eleven 為我們這一家送上聖誕派對美食禮物盒,最開心嗰個一定係為食嘅小小豬,因為禮物盒入面啲零食真係好豐富呀~
Picture

見到咁多好味零食,睇吓小小豬嘅古惑的眼神~
Picture

其實今次戀上冬日嘅主打就係三款來自法國及紐西蘭嘅蛋糕,再加埋其他精緻小食,所以小小豬今次真係大飽口福啦~
Picture

首先就係法國直送嘅Brossard 乾果蛋糕,軟軟的牛油蛋糕夾雜著提子乾及車厘子乾,而且預先切成片裝,食起來都非常方便呀~
Picture

兩小片就可以當小小豬嘅茶點啦~
Picture

同一樣係來自法國嘅仲有St.Michel原味鮮蛋糕~
Picture

依款小蛋糕小小豬就非常鐘意食,仲一次過可以食三粒添~
Picture

由紐西蘭直送,全人手製造嘅「Loaf 朱朱古力蛋糕」,有朱古力、焦糖和石板街三款不同口味。由於小小豬唔食得朱古力關係,所以就交由大肥豬負責,依三款就陪伴左佢三個深宵看電視。依大肥豬表示,佢話三款味道都唔錯,不過佢個人就比較鐘意食石板街啦~
Picture

仲有一款係7-Eleven作獨家發售嘅產品就係維他奶朱古力曲奇味豆奶~
Picture

開頭我都驚個味道會怪怪的,點知試飲左之後,覺得個味又好似幾夾,唔會太甜又有好香濃嘅朱古力曲奇味。下次路經7-Eleven都要再買嚟飲呀~
Picture

其實係成個禮物盒入面,小小豬至愛就係依包伊華FROZEN乳酪啫喱夾心棉花糖,因為個傻豬仔最鐘意食棉花糖呀~
Picture

佢有幾鐘意?睇佢食得咁得戚就知啦~
Picture

其實仲有好幾款好味小食,不過因為都朱古力,所以就冇小小豬份,就交由我同大肥豬兩個負責食晒佢啦...哈哈哈!

桃哈多香濃牛乳味焦糖粟米條~
Picture

OREO北海道牛乳白朱古力脆條~
Picture

不二家MILKY杏仁牛乳味糖果~
Picture

日本樂天極品香濃朱古力條~
Picture

明治雪吻杏仁朱古力~
Picture

百邦牛乳白朱古力夾心餅~
Picture

除左一大批好味零食之外,7-Eleven仲非常細心,送上最新推出嘅Perfect Lip Essence 4合1潤唇美容液,可以滋潤一下個咀仔,繼續食...食...食~
Picture

 

More Information :
Website:
http://www.7-eleven.com.hk/
Facebook:https://www.facebook.com/7ElevenHongKong?ref=br_rs

2014年12月21日星期日

南瓜軟餅

21 DECEMBER 2014(SUN)

早前收到 OFresh Club 及 Cook1Cook 為我送上一大袋有機蔬菜,今日就等我用個有機南瓜整南瓜軟餅嚟食啦~
Picture

三樣材料就足夠整好味嘅南瓜軟餅啦~
Picture

準備100g糯米粉~
Picture

50g砂糖~
Picture

將半個南瓜去皮、去籽、切粒備用~
PicturePicture

南瓜粒隔水蒸約15分鐘,直至軟身~
Picture

用器具將南瓜壓成南瓜蓉~
Picture

襯熱加入糖攪勻~
Picture

慢慢分三次加入糯米粉,製成南瓜麵糰~
PicturePicturePicture

之後用保鮮紙包好,放入雪櫃雪大約一小時~
Picture

將南瓜麵糰分成若干份,搓成圓球,按扁,做成圓餅~
Picture

加少許油落平底煎鑊,以慢火煎直至金黃色就完成啦~
Picture

哈哈哈...我嘅煎功仍有待改進,所以都只係得幾塊可以見得吓人呀!

不過依個簡單嘅南瓜軟餅簡單易整又好味,所以等我搵日用埋另外嗰半個南瓜整多一次,好味之餘順便練習一下我嘅煎功先得。