2014年1月30日星期四

年三十的迪迪尼

30 JANUARY 2014(THU)

今日係年三十,難得又係可以入迪迪尼嘅好日子,所以我地三口子就趁食圍年飯之前,入去迪迪尼玩一轉啦~
Picture

上網睇啲朋友仔話上年嘅年三十都唔係好多人,所以我就滿心歡喜咁以為可以玩多幾樣嘢啦!

點知一踏入迪士尼地鐵,就已經心知不妙,勁多人(當然係內地人),心入面都已經打左個突。不過都已經嚟到,就繼續我地嘅行程啦~
Picture

先係啲SHOP行吓涼吓冷氣攪攪事先,因為天氣實在太熱啦~
PicturePicturePicturePicture

原本今日入嚟其中一個目的係同MICKEY影相,不過條龍實在長得有啲恐怖,唯有放棄依個念頭。同唔到MICKEY玩,就只好同依個公仔影吓頂住先啦!

估唔到小小豬勁鐘意依個位置,仲玩到唔願走,因為有得打鼓嘛~
PicturePicturePicture

玩左一陣,係時候夠鐘睇巡遊。上次小小豬係巡遊時踏出左第一步,肯出去玩,所以今次我地都好期待小小豬出去一齊跳舞啦!

哈哈哈...小小豬同上次一齊,工作人員未收佢就準備出定去先呀~PicturePicture

好陶醉咁玩彩帶呀~
PicturePicturePicturePicture

開頭工作人員係唔俾家長一齊出去,所以開頭都係睇到小小豬嘅背面。不過我見有好幾位家長都有出去同佢地小朋友影相,所以我就好唔知醜咁走出去同小小豬影相啦!

依幾張相固然係影小小豬玩彩帶時個情況,不過另一亮點就係大肥豬,睇吓佢見到小小豬肯出去同小朋友一齊玩彩帶個開心樣,好一個慈父呀~
PicturePicturePicturePicturePicturePicturePicturePicture

睇完巡遊我地就去搵DONALD影相,個傻仔見到DAISY就即刻衝埋去攬到實呀~
PicturePicture
PicturePicture

影完相都打算去同小小豬去馳車天地揸車車,不過就真係有啲嚇人,玩依個最少要排成90分鐘,見到咁都真係排唔過啦。最後就係依部車車玩幾吓就算啦~
Picture

原本都好想去玩飛碟同小小世界,不過真係勁多人,比起平日條人龍真係長好多,所以都真係唔敢去排。之後我地就再行多一陣SHOP,然後就走啦!

係地鐵站見到小店舖開左,小小豬見到好多公仔跳舞,佢又跳埋一份呀~
PicturePicture

真係完全冇諗過會係咁多人,所以都真係有少少失望,玩得唔盡慶呀!

希望過左個新年之後,少左一排強國嚟嘅朋友,咁就可以玩得輕鬆啲啦!

2014年1月29日星期三

Pixture玩自拍

29 JANUARY 2014(WED)

去玩自拍真係可以話係一個新興嘅活動,因為睇介紹都見開左好多間。繼上次去左SNAP自拍體驗館開心玩左一轉之後,今日我地又去左PIXTURE玩一轉啦~
Picture

十二月初先玩過,雖然我係勁鐘意影相又覺得好好玩,不過都冇PLAN咁快再去玩自拍。但小豬媽話新年將至,好想同小小豬一齊著住新年衫影一輯賀年相。就係因為依個原因,所以就BOOK左上去PIXTURE影一轉!

雖然都玩過一次自拍,兩間公司嘅形式都係差唔多,不過依個REMOTE相對就難按少少,要有少少技巧,所以我地就先影幾張WARM-UP吓個人同埋練習吓用個REMOTE先~
PicturePicturePicturePicturePicturePicturePicture

好啦...各人都開始入狀態,所以就搵賀年衫影相啦!不得不提,我同小小豬套親子賀年衫,係小豬媽見我地一齊去影靚相,為我地準備嘅驚喜禮物嚟,仲要上到影樓先拎出嚟,真係只可以歌出嚟:世上只有媽媽好~
PicturePicturePicturePicturePicturePicturePicturePicturePicturePicturePicturePicturePicturePicturePicturePicturePicturePicturePicturePicturePicturePicturePicturePicturePicturePicturePicturePicturePicturePicturePicturePicturePicturePicture

超鐘意依兩張,小小豬好少同我影相係咁開心,笑得咁燦爛,真係要多謝小豬媽同LULU妹幫我引依個百厭豬呀~
PicturePicture

影完賀年衫之後,我就同小小豬變身小青蛙。哈哈...係呀,依套就係小小豬聖誕表演嘅服飾,我見上次都唔係影左好多相,加上又想係影樓影吓,所以就帶埋去影啦!

小小豬變私伙小青蛙,我同LULU妹就換左場內提供嘅比卡超同恐龍玩吓啦~
PicturePicture

之後就小青蛙SOLO啦~
PicturePicturePicturePicture
PicturePicturePicture

因為我地用左比較多時間影賀年衫,所以小青蛙都只係影左唔係好多呀!

去影樓影過都好幾次相,不過今日係小小豬最有狀態嘅一次,影左好多張我地都好鐘意嘅相,所以都要俾個GOOD佢呀!

今日都真係好好玩,短短兩個鐘我地就影左五百幾張相。唯一就係因為大肥豬請唔到假,所以冇得同我地一齊影,影唔到三口子嘅相,有少少可惜呀!

不過唔緊要,依家嘅自拍影樓又抵,仲要質素都好好,再加上我依個影相狂,所以一定會再有機會嚟玩過呀!