2014年1月25日星期六

窩心兩刻

22 JANUARY 2014(WED)

平日見好多朋友仔分享佢地嘅小朋友嘅窩心事,講真...我都真係好羨慕,因為係我身上都好少發生同類嘅事。

如果話小小豬唔識去關心別人,但佢又會間中對小豬媽做啲窩心事,只不過唔會對我做。

不過,今日終於感受到小小豬嘅窩心事,雖然可能係大家心目中都只係兩件小事,不過都已經夠我心甜啦~
Picture

首先,今朝一早起身成個人都好唔舒服,咁我就叫小小豬自己去玩啦。

轉過頭,小小豬竟然識得去拎口罩叫我帶住,仲叫我去休息瞓多啲覺,嗰一刻真係非常心甜。

雖然唔舒服,不過我都要開奶奶俾個豬仔飲嘛,個傻豬全程陪住我,當我俾支奶佢時,小小豬見到我手上有一個小傷口(其實都已經傷左一段時間,都差唔多好返呀),佢就即刻好緊張咁話:MaMi受傷,要貼膠布啦!

個傻仔仲兩話不說放低支奶去拎膠布同我貼,雖然我都真係唔洗貼膠布,不過見依個傻豬咁熱心,就配合吓佢,等佢幫我貼啦~Picture Picture

一係唔窩心,一嚟就兩次,今一朝早雖然係病都CC吓,不過有小小豬依個心甜事,真係即刻覺得病都病得抵呀!

沒有留言:

發佈留言