2014年1月27日星期一

喜氣洋洋去睇喜洋洋

26 JANUARY 2014(SUN)

今日我地三口子又有節目,就係一齊去睇喜洋洋啦~
Picture

首先要再一次多謝Yes-Parents邀請,我地三口子就可以去睇《喜羊羊與灰太狼大電影6 - 飛馬奇遇記》優先場~
Picture

今次依個優先場舉辦地點就有少少特別,就係去北角新光戲院~
Picture

新光戲院俾我感覺都係睇粵劇,我好耐之前都陪小豬媽嚟過睇粵劇,不過睇電影都係第一次,加上今次又係睇卡通片,所以感覺就更加特別啦~
Picture

由於場內係不設劃位,所以都早左少少嚟排隊入場。好在,在場負責人見都有好多大小朋友係度排隊,所以早左俾我地入場,等我地唔洗排咁耐!

雖然今日都幾多人,不過我地都搵到個靚位睇戲呀~
Picture

由於係優先場,所以在場都有好多小朋友一齊睇,可以話在場小朋友係多過成年人呀!我都係第一次同咁多小朋友一齊睇戲,不過個氣氛又真係唔錯,係啲開心笑位會聽到好多小朋友一齊笑,感覺都真係幾好呀!

老實講,依套電影對成人嚟講都可能唔係太啱,因為劇情方面又真係有啲簡單同埋有啲唔合情理。

不過對小朋友嚟講就應該唔錯,因為我係劇院入面都聽到好多小朋友嘅笑聲,相信佢地就十分喜歡啦!

沒有留言:

發佈留言