2014年1月9日星期四

毛毛睡怪

6 JANUARY 2014(MON)

今日小小豬變身毛毛怪獸,不過依個怪獸係唔係好可愛呢~
Picture

其實依件睡衣係好姊妹糖糖係上年買俾小小豬,不過上年就未啱著,所以我就收埋左一個好神秘嘅地方,真係神秘到連我自己都唔知擺左係邊(年紀大記性唔好啦)!

終於係上星期我幫小小豬執衣櫃時發現左依件衫仲,原來今年著真係啱晒身,所以就即刻幫小小豬洗左佢,之後尋晚就開始當睡衣著。

因為係即係包腳又係夾衣,所以開頭我都驚小小豬唔肯著,點知我未開心講,佢一見到就勁鐘意,又話有毛毛...有大眼,所以唔洗我講就叫我幫佢換衫啦!

依個傻豬仔到左今朝早仲唔肯除,見佢情緒咁高漲,緊係唔放過機會同佢影靚相啦~
PicturePicturePicturePicture

一話同佢影相,佢仲拎埋啲聖誕頭飾出嚟,話戴住靚啲哦,真係俾個傻仔笑C呀!不過依幾張相又真係影得豬仔幾開心呀...哈哈哈!

沒有留言:

發佈留言