2014年1月15日星期三

第十一屆Epson環保嘉年華

12 JANUARY 2014(SUN)

之前係MYBB.COM見到有第十一屆Epson環保嘉年華嘅入場卷派發,一向鐘意玩嘅我地,見個活動幾有意思又係近近地嘅尖沙咀,所以就登記拎入場卷。

好幸運地我地抽到入場卷,所以又可以去玩啦~
Picture

時間剛剛好,我地一到場就開始Rody健康舞活動,當然即係帶小小豬上去玩陣啦~
Picture

不過唔知係唔係一到步就開始活動,小小豬好似未WARE-UP好,開頭玩得唔太ENJOY呀~
PicturePicturePicture

可能OTTO見仔仔唔識郁,所以走過嚟教小小豬呀~
Picture

正當小小豬開始投入之時,原來已經夠鐘玩完依個項目啦~
Picture

嘩...玩完RODY仲有一大袋禮物呀,小小豬都不知幾開心呀~
Picture

係臨離開嘅時候,我主動請OTTO同小小豬影返張合照留個紀念。不過小小豬俾其他攤位吸引住,唔識望鏡頭~
Picture

哈哈...我都係第一次主動請藝人影相同埋傾計,OTTO都真係好NICE,影完相之後仲主動撩小小豬傾計呀(傾左幾句啦...因為小小豬掛住要去玩呀)!之後當我地去玩攤位遊戲時,剛好佢就離開,佢地主動同小小豬SAY GOODBYE呀!

玩完第一個活動,我地就周圍行吓,睇吓啲攤位遊戲先。今次主題係環保,所以場內有好多唔同機構嘅攤位都係以環保為主,等我地有得玩之餘,更可以學習到環保意識~

PicturePicturePicturePicturePicture

參觀完之後,當然要即刻去玩。第一個攤位當然係MYBB.COM,要嚟支持吓啦~
PicturePicture

原本依個遊戲係需要將回收物品拋到回收箱內,不過因為小小豬唔夠力關係,負責人員好好,只係叫小小豬放入去就當佢完成呀~
PicturePicture

第二個遊戲就係夾回收物品,睇吓佢兩父子玩得幾投入。雖然小小豬就唔算夠力夾個夾仔,不過教左一次之後,小小豬就識得依正確位置放好啦~
PicturePicturePicturePicture

第三個遊戲就係釣走啲唔可以自然分解嘅廢物~
PicturePicturePicture

第四個遊戲就係環保對與錯,其實小小豬真係唔多明,不過負責叔叔好有耐心咁慢慢同小小豬講解,仲教小小豬放對與錯磁石呀~
PicturePicturePicture

第五個遊戲就係環保分類,估唔到小小豬係唔洗我地提示之下,自己可以好快咁完成,真係俾左我地一個小驚喜呀~
PicturePicture

第六個遊戲就係環保車,不過其實依個遊戲我地都唔係太識玩,只係知道有得玩車....哈哈哈~
PicturePicture

依個時候有唱歌表演聽,所以大肥豬同小小豬就去台前聽歌順便休息一陣~
Picture

我就去排隊拎扭扭氣球~
Picture

撞到兩個環保公仔又影吓先~
Picture

抖夠精神又再去排隊玩遊戲~
Picture

第七個遊戲就係去玩碌波波,雖然小小豬唔夠力拎起個扭扭架,不過佢都一樣玩得好投入呀~
PicturePicturePicture
PicturePicturePicturePicture

攡位負責叔叔見佢咁努力,送左好多禮物俾小小豬呀~Picture
Picture

 第八個遊戲終於到我同小小豬一齊玩,釣燈泡呀~
PicturePicturePicture

雖然係限時我地完成唔晒,不過負責姐姐好好人,一樣俾左好大堆禮物我地呀~
Picture

原來袋入面其中一份禮物係一本圖書,就係我地排隊嘅時候,小小豬拎左本圖書出嚟,話要講故事我地聽呀~
PicturePicture

嚟到今日我地玩嘅最後一個活動,亦都係小小豬至鐘意玩嘅配對卡~
PicturePicturePicturePicture

其實場內都仲有好多攡位遊戲,不過因為見小小豬都玩得開始攰攰地,加上夜晚又約左小豬媽食晚飯,所以我地就走啦!

雖然我地都只係玩左大約一半嘅攡位遊戲,不過我地戰利品都十分豐富,有好多都係顏色筆,今次小小豬有可以排畫啦~
Picture

之前都曾經去過類似活動,不過當時小小豬都係傻吓傻吓,又唔多肯排隊又唔肯參與。但今次見到小小豬真係有好大嘅唔同,既投入又肯參與(排隊時又唔扭計),最後仲要唔願走咁,所以都令我地好驚喜。

既然小小豬鐘意玩,咁我地真係要留意多啲類似活動,帶小小豬去多啲,既可以有得玩之餘,又可等小小豬參與多啲社區活動,認識多啲唔同人與事嘛!

沒有留言:

發佈留言