2014年2月28日星期五

試食:沙嗲軒 - 海南雞飯

1 MARCH 2014(SAT)

今次有幸得到TRY IT嘅試食安排,可以同糖糖去北角城市花園酒店嘅沙嗲軒做試食專員呀~
Picture

城市花園酒店我都嚟過幾次,不過次次都係食自助餐,所以都冇試過自助餐以外嘅餐廳。

我地今次係負責試食嘅就係沙嗲軒特別推出Tasting Menu,包括海南雞飯、雞肉及豬肉沙嗲、肉骨茶、星洲蘿蔔糕及馬六甲椰汁西米布甸~
PicturePicture

我地BOOK左6:30PM,不過食客就唔算多,整體上環境佈置都好簡約又清靜,座位與座位之間都非常十分寬敞,令我們坐得很舒適~
Picture
Picture

係佈置方面,值得一題就係種左好多好靚嘅植物,雖然係靚,不過我對依啲植物就興趣不大。但反而糖糖就勁愛,不停影影影呀~
Picture

講返正題先,今日我地嘅餐牌~ Picture

等左大約二十分鐘左右,我地嘅食物就送到啦。睇個賣相都好似唔錯哦~
Picture開餐啦~
Picture

肉骨茶 - 可能我個人比較喜歡飲,所以我又覺得都幾好飲,非常香濃又香材料味,好有風味呢!不過我就覺得完全唔熱,我個人又鐘意飲熱湯,所以依度就扣少少分啦~
Picture

星洲蘿蔔糕 - 基本上係由蘿蔔糕再配以雞蛋、蝦、蔥、肉碎等炒成,都可以食得到蘿蔔糕味道,但我又覺得油左啲啲,所以驚喜不大~
Picture

豬肉沙嗲 - 肉有一啲乾唔夠鬆軟,所以唔算太吸引。不過個沙嗲醬就唔錯,好香嘅花生味~
Picture

海南雞飯 -  海南雞已去骨,食起上嚟都好方便。雞肉都好鬆軟,好滑口,所以都唔錯,只係覺得只有四件好似少左啲,我地女仕們都算可以接受,但男仕一定唔足夠啦!飯質方面,我又覺得比較乾身,同埋味道較淡~
Picture

馬六甲椰汁西米布甸 - 依一個可以話係我全晚覺得最驚喜之作,因為真係覺得好好食,西米好有口感,再配上一種類似椰子糖嘅味道,又唔算太甜,真係強烈推介呀~
Picture

整體上我覺得整個餐最大問題就係個份量同埋熱度需要關注啲,因為份量真係細左啲,如果一位男仕嚟食,一定唔飽呀!

另外,可以因為係套餐關係,送到我們枱上都已經唔算熱,到我地一道道咁食時,真係餸都凍晒,完全影響食慾啦!如果可以第一道咁送上,等我地可以熱騰騰咁食,相信效果一定好好多呀!

2014年2月27日星期四

Kiwi BB

27 FEBRUARY 2014(THU)

今日行過生果店,見到啲好特別嘅生果,所以就買左一盒返屋企俾依個為食嘅小小豬食啦~
Picture

依啲咪就係奇異果BB啦~
Picture

三十蚊一盒,一盒二十粒都冇,雖然好似係唔多抵,不過我都係第一次見(可能係我大鄉理),又覺得好得意,所以都買左一盒啦~
Picture

同平時食開嘅奇異果相比,又真係好BB呀!但其實你問我,如果只係睇個外表,真係估唔到佢係奇異果,因為冇左奇異果啲特式,就係啲毛毛啦~
Picture

切開一半就知道係奇異果嚟啦!依啲BB除左頂頭嗰粒細粒粒之後,基本上全粒都可以食呀~Picture

第一次食嘅小小豬好似充滿疑問咁哦~
Picture

經我解釋同示範之後,睇吓佢食得幾滋味~
PicturePicture

我自己就覺得都唔錯,粒粒都好甜,不過唔知係唔係我依盒太熟,所以入口就有好淋嘅口感,依度就扣左啲啲分啦!

但亦都係因為依個淋嘅口感,所以小小豬食左碗仔入面嗰幾粒之後就話唔食,仲同我講啲大Kiwi好食啲哦(佢當時個樣真係好認真,真係俾佢笑C呀!)

2014年2月26日星期三

試食:自然良坊天然鈣與智高魚油DHA

26 FEBRUARY 2014(WED)

首先多謝自然良坊,因為係上兩星期送左兩個佢地皇牌產品「天然鈣」和「智高魚油DHA」俾小小小豬,睇吓小小豬知道有嘢食幾開心~
Picture

由於小小豬有濕疹關係,戒口真係戒得好清,好多有營養嘅嘢..好似蛋、南瓜、牛肉咁,小小豬都唔食得。雖然小小豬平日嘅正餐再加上早晚兩支奶,佢都應該有足夠嘅營養。

不過小小豬越嚟越大個仔,骨骼同腦仔都開始成長,所以鈣同DHA真係好需要呀~
Picture

「天然鈣」 - 新西蘭製造,採用新西蘭至純奶源。鈣能促進牙齒及骨骼成長,增強吸收能力,強化體質,是增高發育的必須品。而天然的鈣質跟化學合成的鈣質大不相同,更易吸收,至適合寶寶幼嫩腸胃~
Picture

鈣片以白雪雪嘅獅子和牛牛為造型,就係因為無加入任何色素,真係既健康又得意呀~
Picture

雖然白雪雪,不過食落又會有啲朱古力味道,都幾好食呀!睇為食豬食得咁開心就知啦~
PicturePicturePicturePicture

係食嘅同時又可以訓練一吓小朋友咀嚼一物二用,又真係唔錯哦。依家小小豬每日放學返到屋企都會自動覺問我拎嚟食呀!

「智高魚油DHA」– 以大自然的頂級野生深海鮪魚(吞拿魚)作原材料,採用新西蘭獨有先進科技,提煉出高純度深海魚油奧米加3(Omega-3)精華,嚴格確保新鮮、優質、安全可靠,絕對是孩子成長營養之選~
PicturePicture

原本係需要吞服嘅,不過因為小小豬唔識吞,教過幾次都唔得,所以最後我地都決定吱落碗飯度俾佢食~
Picture

雖然膠囊有點硬,不過放係飯面等幾秒之後,咁用較剪一剪就好易剪開啦~PicturePicture

魚油丸味道有啲似帶有小小甜嘅橙味,而且魚油丸個殻係膠原蛋白造,所以就連個殻我都會剪碎晒,之後混入飯俾小小豬食埋啦~
Picture

依家每晚嘅晚餐嘅飯都會加一粒,等小小豬吸引多啲DHA,咁就精靈啲啦!

小小豬食左依兩個產品都有大半個月,係小小豬身上就好似沒有明顯變化(不過冇反應都係一件好事哦)。整體上我都覺得幾好,等我再繼續觀察吓小小豬個情況,如果好的話,一定會KEEP住食呀!

其實依個產品唔止小朋友,哺乳、懷孕或更年期婦女,或者體弱及老年人仕都好合適。另外,自然良坊都推出左唔同種類嘅保健產品,大家可以去網站睇吓呀!

 

More information :

網站:http://www.naturalsquare.com.hk/
Facebook:
https://www.facebook.com/NaturalSquare

2014年2月25日星期二

「善存」挑戰亞健康 – 有機農莊體驗日 PART 3

22 FEBRUARY 2014(SAT)

今日依個有機午餐都真係食得好飽飽,不過,原來仲有好嘢食,負責人為我地準備左士多啤梨千層酥,我仲自己整埋一份呀~
Picture

依個士多啤梨千層酥原來都係好簡單,將Mascarpone混入鮮忌廉做成CREAM,之後係即食批皮上舖上士多啤梨及CREAM,一層層咁鋪好,最後灑少少糖霜同埋少少薄荷葉,咁就完成啦~
PicturePicturePicturePicture

我當然唔執輸又整埋一份啦~
PicturePicturePicture

食埋個好味嘅甜品,真係極度滿足,之後就準備去天然護膚品工作坊,用天然素材製作香薰驅蚊噴霧、潤唇膏及護手霜~
Picture

每人可以做三支潤唇膏,一支驅蚊水及HAND CREAM~
Picture

我們可以從玫瑰、洋甘菊及薰衣草油中挑選自己喜愛嘅香味~
Picture

等我變身工廠女工貼貼貼先~
Picture

由於我地人數比較多,所以導師就負責幫我地煮啲材料,我地嘅工作就係揀香味之後,傾入我地嘅小瓶。

先整潤唇膏~
Picture
Picture

 

之後就整HAND CREAM~
PicturePicturePicturePicture

最後就整驅蚊水~
PicturePicturePicture

雖然我地都係做啲好簡單嘅工作,不過我又覺得好似入左實驗室咁,左倒倒右倒倒,大家有傾有講又開心咁整,所以都好好玩呀!

最後當然係可以拎啲完成品返屋企啦~
PicturePicture

今日我地個行程真係好充實又健康,玩得好開心,如果有機會都一定要帶小小豬入嚟玩呀!

再一次多謝善存嘅邀請,等我輕輕鬆鬆咁玩左一日呀!

 

More information :
善存30日挑戰亞健康:http://www.centrum.com.hk/30days/

善存: http://www.centrum.com.hk

有心機有機農場: http://www.zeno.com.hk/