2014年2月10日星期一

香煎蜜糖金蠔

9 FEBRUARY 2014(SUN)

係年初三嗰日,小豬媽專程入流浮山一轉,目的就係去買啲金蠔返嚟,等今日一家人齊齊開心嚟我屋企食飯煮俾我地食。

等左大約一星期,終於食到我地期待已久嘅 - 香煎蜜糖金蠔~
Picture

近依幾年,小豬媽都一定會入流浮山金蠔,不過今年依啲又真係比往年嘅又大粒又肥嘟嘟呀~
Picture

小豬媽話買金蠔最好就係買啲仍然有少少濕身,即係大半乾少少濕,當然要睇埋佢夠唔夠肥美啦!有齊晒以上條件,咁就係最好食。

依個煮法係那位售賣姐姐教,其實同我地之前整嘅都係大同小異,不過佢教我地加左少少簡單調品,咁就會更加好食。加左啲咩?咪就係每人屋企都有嘅沙糖啦!

好啦...我地開始煮啦!

依啲金蠔係經過一星期係冰格保存,所以要拎出嚟解凍先。由於解凍同埋啲金蠔本身都係濕濕地,所以係煮之前需要做一個步驟,就係焗一焗佢,等佢表面乾身返少少,咁煮嘅時候就唔會爛同易煮啲啦!

不過由於我冇焗爐,所以我就用光波機做依個步驟。先200度預熱5分鐘,之後就每邊光大約2分鐘~
PicturePicture

光完之後個表面係會乾身晒啦~
Picture

之後就可以開始煎啦!售賣姐姐教我地先煮肚嗰個位置,即係肚位"突"出嚟嗰邊~
Picture

油燒滾嘅鑊中煎至大概金黃色,之後就係每一隻金蠔上面放少少沙糖再煎一煎,兩邊同樣做法。不過要小心啲,因為加左沙糖之後係會好易燶,所以真係要好小心,時間要教得好好呀~
PicturePicture

煎好之後,將所有金蠔回鑊~
Picture

之後再加上蜜糖不停炒,等每一隻金蠔都有蜜糖包圍住。依個時候都係要小心同快手,因為蜜糖亦都係好易燶呀~
Picture

就係咁好似好簡單,又其實都幾考廚功嘅香煎蜜糖金蠔就完成啦~
Picture

粒粒金蠔都肥嘟嘟,再加埋小豬媽嘅精湛廚藝,真係好味都唔識形容呀!

我自問都冇小豬媽咁好廚藝(真估一成都冇),所以依個餸我都係做食嗰個啦...哈哈哈!

期待我地出年新年再入去買過靚金蠔,又可以再嚟食過啦!

沒有留言:

發佈留言