2014年2月17日星期一

驚喜情人節禮物

14 FEBRUARY 2014(FRI)

同大肥豬都達成左共式,都唔會點送禮物俾對方,因為我覺得唔需要為某啲節日嚟諗送禮嘛!

不過,今年大肥豬同小小豬就俾左一個大驚喜我,就係送左一部我好想要但又考慮左嘅導入導出美容機呀~
Picture

其實今年係十九年先一次嘅中西方情人節,理應係要去慶祝一番。不過,就係因為中方情人節就係奶奶生日,所以我地嘅雙料情人情嘅慶祝活動就係同奶奶一家去食生日飯。

雖然係平淡左啲啲,不過唔緊要,只要大肥豬同小小豬係我身邊,就算做乜都係一樣咁開心。

原先都以為係平淡中渡過,不過原來驚喜在後頭。因為返到屋企,小小豬就拎左我超想要嘅禮物出嚟送俾我,真係超級驚喜...十級興奮呀~
Picture
PicturePicturePicture

其實好早之前,我都已經好想買導入導出美容機,但怕自己冇咁嘅恆心,買左返嚟之後唔用就好浪費,所以成日都係得個諗字。

唔知係唔係我成日煩到大肥豬,所以大肥豬話剛好佢又有朋友去日本旅行,所以託朋友買一部返嚟送俾我啦!

由於係日本版,所以大肥豬仲配埋個轉插頭俾我,等我可以即刻有得用呀~
Picture

哈哈哈...為左報答大肥豬依番心思,所以我會好有恆心咁日日都做美容機先得!

沒有留言:

發佈留言