2014年2月21日星期五

專心做功課

16 FEBRUARY 2014(SUN)

由讀PN到依家嘅K1,小小豬嘅學校都係屬於HAPPY SCHOOL,平日返學都係從遊戲中學習,功課都唔洗點返屋企做,返左K1都半個學期,都只係聖誕同新年嘅長假期先有功課做。

由今個星期開始,終於都有功課做啦~
Picture

當然,有功課做係有好有壞,不過係我立場我覺得好似依家咁少少地都係一件好事。有好多朋友仔都話,應該做多啲功課,咁就會學多啲嘢,小朋友就叻啲。

但我又覺得幼稚園階段,唔好有功課嘅壓力,等佢地輕輕鬆咁上學,愛上校園生活。只要佢地鐘意返學,開開心心咁上堂就自然可以好快吸引到老師教嘅嘢啦!(依家小小豬都不知幾鐘意返學呀)

其實都唔係啲好特別嘅功課,比起其他朋友仔嘅功課真係簡單好多,因為只係每星期做兩版線條練習~

Picture

今次都算係小小豬第一次拎起支鉛筆嚟做功課,由於之前我地都有教過佢揸筆嘅手勢,所以都叫做OK,做得都幾好,仲做得好專心呀~

PicturePicture

不過,塗顏色就依然係唔係太叻,成日塗幾吓就話完成,有時都真係激C人呀~
Picture

基本上小小豬都係自己做,唔洗我地點教,除左塗顏色方面錯少少之外,其他都做得唔錯呀。最好就係全程都好專心,希望以後(直到大個仔)小小豬做功課都係咁乖仔,咁專心唔洗我地勞氣就好啦!

沒有留言:

發佈留言