2014年2月4日星期二

初三新界遊 - 第三站:陶氏農莊餵羊仔

2 FEBRUARY 2014(SUN)

其實我地第三個目的地,就係羅氏士多啤梨場行前少少嘅陶氏農莊餵羊仔啦~
Picture

其實我都係上網睇朋友仔介紹話依個場有得摘士多啤梨同有幾隻件羊仔可以餵,原本都打算主力嚟依度玩,可以一個地方玩晒啲活動嘛!

不過當我行入農莊時,完全唔見有羊仔,加上又見佢啲士多啤梨好似冇羅氏嗰個場咁大粒,所以最後就走返出去,去羅氏摘士多啤梨啦!

正當我地摘士多啤梨摘得極度興奮之時,原來小豬爸行左入去農莊,終於俾佢搵到嗰幾隻羊仔。就係咁....我地就去同羊仔玩啦~
PicturePicture

唔知係唔係成日都聽山羊伯伯嘅故事,係小小豬心目中羊仔一定係好溫馴,所以依個大膽豬完全唔驚,仲成隻手伸入去想摸羊仔呀~
PicturePicture

開頭我仲未知道可以係邊度買嘢餵山羊時,大肥豬就係附近拾啲葉等小小豬可以餵羊仔~
PicturePicture

另一邊我就周圍走去搵草買,最後負責人就教我係菜田裡買啲甘荀,長長嘅草就可以用嚟餵羊仔,那些甘荀就可以拎返屋企我地食,所以我就買左十蚊啦(不過因為太心急餵羊仔,所以唔記得影相...哈哈哈)。

有左長長嘅草,大家又可以一齊餵啦~
Picture
Picture
Picture
PicturePicturePicturePicturePicturePicturePicture

睇我個樣就知其實我係好驚啦,因為依隻大山草真係好狼C,仲成日蝦其他小羊呀~
Picture

農莊內其實除左山羊之外,另一邊都有幾隻豬仔,不過因為個味道又真係太...太....勁,所以都唔敢行入去睇豬仔啦!

農莊再行入少少就有個BBQ場,同埋有啲菜田,都係可以摘嘅,不過因為我地之後仲有行程,所以餵飽飽羊仔之後就走啦!

沒有留言:

發佈留言