2014年2月20日星期四

Etude House - I Need You ABC Mask

15 FEBRUARY 2014(SAT)

話說我係聖誕期間,因為好友去左韓國一轉,所以有一份好特別嘅手信兼聖誕禮物。

不過,亦都係因為太特別,每次一我想拎嚟睇或者想用時,小小豬一見到就會拎嚟玩,就係咁我就收埋左(真係差啲唔記得左呀),要趁小小豬瞓左先可以拎出嚟用呀!

有圖為証,小小豬真係拎左我啲面膜用嚟玩煮飯仔,當左依啲係湯包話要煲湯我飲,仲玩得不知幾投入,真係俾佢笑C呀~
Picture

我嘅特別嘅手信兼聖誕禮物,咪就係依啲Etude House 出嘅英文字母面膜。小小豬咁鐘意英文字母,加上每個包裝都咁靚,所以佢咪鐘意拎嚟玩啦!

嘩....真係超級壯觀,好多面膜呀~Picture

A-Z同埋兩個特別版,每一個字母都係代表,真係好特別呀~
PicturePicturePicturePicture

哈哈...我自己就好鐘意同埋覺得好特別,所以已經每日都KEEP住用,用左一半啦,每日唔同味陪我做MASK,真係人都開心啲呀!

我覺得個MASK都唔錯,基本上袋入面都有好多精華。就算我將個面膜拎左出嚟,袋入面都仲有精華,我當然唔浪費,用埋嚟按摩頸部啦~Picture

我覺得面膜都好滋潤,用左一半左右,我暫時最鐘意就係"B" "C" "H" "Q" "Y",因為依幾款就好似特別潤呀!

貼服情況我覺都尚算可以,不過鼻位對我嚟講就好似唔係太貼,或者係因為我個鼻唔夠高啦~Picture

依一份手信亦都俾左個提示我,就係我今年送俾朋友嘅聖誕禮物就係依佢地嘅英文名買左一套俾佢地,希望佢地都一樣鐘意啦!

沒有留言:

發佈留言