2014年2月13日星期四

兩日一夜澳門之旅 - Part 2

11 FEBRUARY 2014(TUE)

到左夜晚,當然係搵食時間,由於小豬爸話想去食自助餐,所以我地今晚就去左食自助餐啦~
Picture

澳門嘅酒店真係好多,要搵一間自助餐都真係幾難,有啲好嗁就有太多內地人,我地又點夠佢地嚟呀,所以我之前都上網搵過好多間,最後睇左好多OPENRICE嘅介紹,終於決定去英皇酒店入面食自助餐啦~
Picture

睇啲朋友仔介紹,話依間嘅嘢食都尚叫OK,都係比較斯文同靜嘅一間(即係比較少內地人),就係因為依啲原因,我選擇左去依度食啦!

哈哈...原本我地係六人出發,因為細路係澳門返工,所以就可以嚟JOIN埋我地一齊食飯啦!

好啦...睇吓我地有咩嘢食先。基本上都係一般酒店嘅嘢食,不過佢地回得都算快,所以每一次行去都係滿滿的~

PicturePicturePicturePicturePicturePicturePicturePicturePicturePicturePicturePicturePicturePicturePicturePicturePicturePicture

仲有廚師即場煮嘢食呀~
PicturePicturePicture

最令我驚訝就係,依度有得自拎可樂,我地加加埋埋都飲左差唔多二十支呀~
Picture

場內仲有現場音樂表演呀~
Picture

講真...啲嘢食都真係一般,不過我又覺得個氣氛都唔錯,其他賓客都食得好斯文(依個好重要),我地都食得好開心呀~
PicturePicturePicture

食飽飽正餐嘅小小豬見到有雪糕又點會唔放過,佢仲好叻仔咁叫小豬媽帶佢出去拎,諗住有小豬媽撐腰嘛~
PicturePicturePicturePicturePicture

玩左成大半日,我地食飽飽就返酒店啦!

依個小小豬真係好熱愛酒店,就連去洗手間都會周圍望~
Picture

洗完白白,衫都未著就通床跳啦~
PicturePicture

開頭仲以為小小豬會唔習慣,不過佢由床跳到去地下,再周圍走,之後又走返上床,完全都冇停過呀~
Picture

嚟得澳門,當然係要參觀一吓賭場。係永利酒店時,我同大肥豬就因為帶住小小豬,所以就冇入到去,係門口等小豬爸佢地。

我地住間酒店樓下都有一個賭場,原本我都打算留係房間照顧小小豬,等佢地出去行吓。後來小豬媽就叫我地去行吓,佢幫我照顧小小豬。既然小豬媽提意,所以就等佢地兩婆孫係房間溫馨吓,我地就去賭場觀摩吓啦!

哈哈哈...賭錢我就真係唔多識(同冇依個膽量),所以開頭都係周圍睇人地玩。後來發現有啲係自助電腦大細機,可以細細地$5咁去玩,所以就同大肥豬玩左一陣。少少地咁玩,加上又冇其他人望住嘅壓力,又真係玩得幾開心,我仲好叻女咁......冇輸冇贏,拎一佰蚊出嚟又可以拎返一佰蚊走,唔輸我就當自己贏左啦...哈哈哈!

不過,小豬媽決定唔入嚟賭場都係正確,因為嗰度真係勁多人吸煙,空氣真係唔咁好呀!

《續待》

沒有留言:

發佈留言