2014年2月16日星期日

兩日一夜澳門之旅 - Part 5

12 FEBRUARY 2014(WED)

氹仔就開嗰啲商場都真係唔係太啱我地,所以我地離開威尼斯之後,就搭車去市中心嘅官也街,行吓食吓最啱我地~
Picture

還記得對上一次嚟官也街,都係好熱鬧,好多小食又好多人。不過今日嚟到,真係唔同晒,除左兩間大型手信店之外,其他都好少店舖開,都比例冷清呀!

係街頭其中一間手信店,原來上兩層都有啲特式擺設,我地當然又去八卦吓啦~
PicturePicturePicturePicturePicturePicturePicture

去買吓手信先~
Picture

嚟得依度,一定要去莫義記啦~
Picture
Picture

不過,我覺得真係冇上次嚟咁好食啦~
Picture

之後我地就周圍行吓,依個小小豬全程都痴住小豬媽同小豬爸呀~
PicturePicture

氹仔市中心真係同上次嚟差好遠,所以我地行左一個圈之後,見冇乜特別嘢食,所以就搭車返澳門市嗰邊啦!

唔知係唔係小小豬精神已經到左極限,平日一向好少係街度瞓覺嘅小小豬既然係車上瞓著左,仲要到落車都仍然唔起身。所以最後我地就安置大肥豬同小小豬係教堂入面休息一陣,我地就繼續周圍行啦~
Picture

行左一陣,收到細路電話,所以我地就返酒店拎埋行李,等車帶我地去食晚飯啦~
Picture

之前都講過,由於細路係澳門返工,所以今日晚餐就由佢老闆帶我地去食,原來都係去返氹仔一間海鮮酒家食好嘢呀!

始終係細路老闆,所以我都唔敢影太多相,只係隨便影吓啲餸,啲餸菜真係勁豐富呀~
PicturePicturePicturePicturePicturePicturePicturePicturePicturePicturePicturePicture

第一次用刀叉食花膠呀~
Picture

仲有椰汁燕窩做糖水呀~
Picture

食完依個咁豐富嘅晚餐,我地兩日一夜澳門之旅就結束啦!

雖然我地都唔係去左好多地方,不過我地過嚟都志在玩吓行吓輕鬆吓嘛!

不過,今次依個旅程,我發覺小小豬係勁鐘意酒店,因為到走嘅時候,佢仍然要求返酒店,仲話好鐘意住酒店,到上左船之後仍然係講十六蒲...十六蒲,真係有少少俾佢激C呀!

今次就短程玩吓先,希望好快可以再一齊去旅行,不過就要搭飛機啦!

沒有留言:

發佈留言