2014年3月27日星期四

小小豬體操表演

26 MARCH 2014(WED)

繼上次聖誕節小小豬係學校表演過青蛙仔舞之後(有興趣重溫小小豬舞姿嘅朋友請按),今日學校舉行左另一個表演活動,就係全體K1小朋友嘅體操表演啦~
Picture

自上次聖誕聯歡會表演過之後,我仲以為要等出年先有機會再睇小小豬表演。點知,原來學校有一個體操匯演,所以我個期待嘅心又開始啦!

其實當初一知道小小豬有表演時,我都好緊張,因為上次聖誕表演初時,小小豬都唔太合作,所以都好驚會案件重演。

好在當我問老師小小豬綵排情況時,老師話小小豬今次好好,好合作又做得幾好,我先放下心頭大石,迎接體操匯演嘅來臨呀!

為左今次依個匯演,大肥豬都請左半日假,帶齊晒重裝備,去拍底小小豬嘅表演情況。不過我地晏左去霸位,所以最後只可以係禮堂樓上睇,慶幸有支長鏡同埋部DV可以影近啲,所以都拍攝到小小豬跳舞時嘅情況。

匯演開始時,五班K1小朋友一齊表演體操舞,不過因為背住我地跳,加上又多小朋友,真係好唔容易先搵到小小豬呀~
Picture

第三PART就到小小豬嗰班表演,雖然我地去左禮堂樓上,不過好在有長鏡頭,加上小小豬企個位置又算幾好,都總算影到小小豬嘅可愛舞姿。

小小豬嗰班連同另一班K1小朋友表演"貓咪狗狗好朋友",差唔多成80個小朋友一齊跳,其實都幾得意。

一睇小小豬就知佢係扮緊狗狗啦~
PicturePicturePicturePicturePicturePicturePicturePicturePicturePicturePicturePicturePicturePicture

其實成個匯演都有成一個鐘,小小豬嗰班都表演左十幾分鐘,為免悶親大家,所以將最正面同攪笑嘅幾分鐘同大家分享啦~

其實小小豬嘅表現比我預期嘅好,只係中途好似有少少迷失之外,整體上都表現得好落力,好投入又跟住啲指令做晒啲動作,所以已經係好叻仔呀!

沒有留言:

發佈留言