2014年3月29日星期六

博物館半天遊

30 MARCH 2014(SUN)

今日天氣仍然唔多好,所以都唔敢諗去啲戶外地方,不過見下午都冇再落雨,都係時候要出去行吓玩吓,唔好成日困住係屋企嘛!

大家估吓我地去左邊~
Picture

哈哈哈...其實我地今日化身為文化人,去行博物館呀!

依張相係唔係好得意呢?其實係因為香港歷史博物館依家有一個以舊相片為題嘅專題展覽,為左配合個主題,所以係展覽廳前就可以俾我地扮影懷舊相,只要拎住張QR咭仔影依張相,咁就可以出左依啲懷舊用品,張相亦都可以經E-MAIL SEND返俾你~
Picture

個傻豬仔見到自己張相都不知幾興奮呀~
Picture

我地係香港歷史博物館都只係睇左依個小小嘅舊相片展覽,因為唔可以影相,所以唔可以同大家係度分享,不過啲相又真係幾有特色,由古代去到舊香港都有,如果大家對懷舊相片有興趣,都可以去參觀一吓呀!

其實香港歷史博物館都仲有一個大型展覽,不過因為我睇舊相片都悶親小小豬,所以我地都冇入去睇,留返下次先再行過,之後我地就轉戰科學館啦!

恐龍展原來下星期就結束,所以都好多人排隊入場打晒蛇餅,要排隊入去睇恐龍都一定要排兩個鐘以上。暫時小小豬對恐龍印象又唔太深,加上又咁多人,我當然唔排啦,之後就去睇常規館玩啦!

小小豬真係有一個好爸爸,每一樣小遊戲大肥豬都會好用心咁同小小豬解釋,等小小豬明白多啲呀~
PicturePicturePicturePicturePicturePicturePicturePicture

當然有啲簡單遊戲就等小小豬自己探究啦~
PicturePicturePicturePicturePicturePicturePicturePicturePicturePicturePicturePicturePicture

其實以小小豬依個年紀,好多遊戲都唔識玩,不過我地都覺得可以俾佢嘗試,等佢接觸吓,見識多啲嘛。

可能因為恐龍展關係,科學館真係勁多人,所以玩好玩意都要排隊,有啲都要排成個鐘以上,真係誇張呀!

不過唔緊要,因為我地已經買左博物館年票,之後可以多啲時間去唔同嘅博物館再繼續玩呀!

話時話,原來依家博物館年票真係好抵,我地出家庭年票,四名成員嘅年票都只係$200,有海洋公園或者迪士尼年票都仲可以有八折,所以我地三口子連同LULU妹四個人出都只係$180,真係好抵玩呀!

沒有留言:

發佈留言