2014年3月7日星期五

小小豬嘅大驚喜

7 MARCH 2014(FRI)

小小豬今日應該係非常驚喜又開心,因為嘉汶表妹俾左個好大嘅驚喜佢,就係買左小小豬恨左好耐嘅火車同路軌呀~
Picture

小小豬一向都好鐘意火車/地鐵,所以每日放學都一定會要求搭地鐵,咁就可以睇係月台上睇地鐵,依個豬仔仲連啲宣傳海報都唔放過,一見到有地鐵蹤影都要企定定睇一陣呀!

嘉汶表妹知道小小豬好鐘意地鐵,所以佢話一見到依盒地鐵套裝時,即刻就諗起小小豬,所以就買左俾個百厭豬啦!不過話時話,我都係第一次見依SET玩具呀~
Picture

依個傻豬仔係我影完兩張相之後,充已經急不及待要拆嚟玩啦~
Picture

對住三部列車簡直係愛不釋手呀~
Picture

不過因為我要煮飯,所以砌路軌依個重任就交俾嘉汶表妹,估唔到平日好少玩依類型嘅玩具,都好快就砌好啦~
Picture

等左咁耐終於有自己嘅地鐵,小小豬緊係勁開心呀~
Picture

由於小豬媽屋企冇電芯,所以就冇得自動行,不過小小豬不停地沿住個路軌推地鐵,玩得都不知幾投入呀~
PicturePicturePicture

到大肥豬放工返到嚟,佢地兩父子就有另一件重要事做,就係幫個月台貼貼紙啦~
PicturePicture

小小豬咁沈迷係地鐵上會唔會係一件壞事?我個人覺得只要佢識抽身,唔係一日24小時都地鐵上身咁,其實係可以接受。小朋友都係會有佢鐘意嘅嘢,有自己嘅主意,只要唔太過份,或者影響日常生活,我地仲乜要阻止呢!(放心...小小豬絕對冇地鐵上身咁,所以我完全唔驚)

小小豬真係一個開心嘅小朋友,因為身邊好多人都係好錫佢,希望佢慢慢長大嘅時候,亦會學懂利用內心體會,同樣愛錫返身邊鍚佢嘅所有人。

沒有留言:

發佈留言