2014年4月15日星期二

久違了的麻布茶房

14 APRIL 2014(MON)

話哂都係復活節假期,當然要揾啲節目同小小豬做吓先得啦!

我地今日個重點節目就係....食雪糕呀~
Picture

事緣今日我同小小豬係屋企玩緊小遊戲時候,依個傻豬仔突然話想去接大肥豬放工。既然佢主動提出,加上又困左係屋企成日,所以就出發啦!

小小豬嗰個接DADDY放工任務完成之後,為左獎勵小小豬,所以大肥豬山就帶我地去食餐好,就係去好耐都冇嚟過嘅麻布茶房啦~
Picture

還記得N年前係銅鑼灣同埋太古城都有分店,我嗰時都成日去幫襯,因為啲甜品又真係實在太吸引啦!不過隨著好多間都已經結束營業,所以都真係好少嚟食,甚至好少人提及麻布,估唔到原來樂富都仲有一間呀!

先嚟食正餐先,大肥豬叫嘅拉麵~
Picture

我豐富嘅豚肉定食~
PicturePicture

基本上兩個正餐個味都唔錯,尤其係我嗰個豚肉定食,啲照燒汁好似包住啲肉咁,好有汁感呀!下次可以考慮係屋企自己試吓煮,希望都可以係一樣咁好味啦!

嚟得麻布,又點少得甜品呢!為左要照顧我地兩隻大小為食豬,所以大肥豬專登ORDER左兩份,等我地慢慢嘆呀~
PicturePicture

其實依啲都係軟雪糕嚟,不過佢地配搭左啲綠茶同紅豆,個味即刻特別晒,好似好味好多呀(當然我都估佢啲軟雪糕係有特別配方),見小小豬食得咁滋味就知啦~
Picture

我地今日又食正餐又食甜品,個味道唔錯之餘,個價錢都唔算貴,都係兩佰多蚊左右。所以大肥豬話下次我地帶去接佢放工時,再帶我地嚟食過,到時一定要試吓其他款式嘅甜品呀!

沒有留言:

發佈留言