2014年4月4日星期五

為食豬食蛋糕

3 APRIL 2014(THU)

放學路過蛋糕店,見到個細細嘅BEAR BEAR蛋糕,傻豬仔話想食,所以買個返屋企作為飯後甜品,等個傻豬仔吹吓蠟燭開心吓啦~
Picture

哈哈哈...個BEAR BEAR係唔係好靚呢~
Picture

我地放學如果行去搭巴士的話,小小豬都一定會行去依間蛋糕店睇蛋糕。因為依間蛋糕店每日都有不同嘅3D蛋糕,我地見過有大眼...MELODY...史迪仔.....唔好話小小豬,我都覺得好靚,所以行過都會去睇望吓有乜新款。

其實我有好幾次都真係好想買返屋企食,不過冇耐一磅多嘅蛋糕我地三口子都真係食唔晒,所以一直都只係得個望字。

今日行過見到蛋糕店出左啲好比半磅細少少嘅3D蛋糕,見到細細個又得意,加上都係幾拾蚊,所以就買個返屋企同小小豬開心一返啦!

睇吓個為食豬見個蛋糕幾開心,急不及待要吹蠟燭啦~
PicturePicture

仲叫我快啲切蛋糕添~Picture

依個BEAR BEAR蛋糕其實係什果蛋糕嚟呀~
Picture

為食豬只係掛住食,仲食得好滋味添呀~
Picture

雖然依間都只係一間細細嘅蛋糕店,不過估唔到佢啲蛋糕又真係好好味,最重要就係CREAM一啲都唔甜,就連平日唔鐘意食蛋糕嘅大肥豬都話好食,等我下次有慶祝活動時,都可以去依間蛋糕店買呀!

哈哈哈...依家知道有又細個又好味嘅蛋糕,咁我想食嘅時候都可以隨時買個返去同小小豬開心一返啦!

沒有留言:

發佈留言