2014年4月5日星期六

鱷魚先生生病了

4 APRIL 2014(FRI)

嘩哈哈...小小豬發生咩事,仲乜咁緊張呀~
Picture

哈哈哈...知唔係同鱷魚先生玩緊遊戲啦~
Picture

早起幾個月前我地都覺得小小豬好似有選擇恐懼,每一次俾多個一個選擇時,佢都一定做唔到,有時仲會忟憎起上嚟。為左訓練佢一方面,大肥豬就買左依個按鱷魚牙齒玩具,等佢可以練習選擇之餘,仲練吓佢個膽(因為鱷魚先生合咀時又真係幾驚呀)。

不過,當時小小豬一直都唔肯玩,無論我地點逗點教同鼓勵,小小豬始終都唔肯。為左唔想嚇親小小豬,所以我地都暫停左依個計劃,等適合時間再拎出嚟訓練玩過。

說時遲...那時快,估唔到隔左一個月之後,鱷魚先生就重見天日啦!

事緣今個周期學校教主題係"誰來幫助我們",咁大肥豬就借機叫小小豬扮牙醫,叫佢幫鱷魚先生檢查牙齒。由於之前小小豬一見到鱷魚先生就會即刻SAY NO,所以開頭估為小小豬唔肯。

唔知係唔係小小豬知道自己係牙醫,所以完全唔驚,仲非常樂力咁同鱷魚先生檢查牙齒呀!

先嚟同鱷魚先生情深對望吓先~
Picture

開始擦牙啦~
PicturePicture

之後按吓鱷魚先生牙仔,睇吓邊隻唔舒服先~
PicturePicture

 哈哈...搵到啦,等我餵鱷魚先生食藥~
PicturePicturePicture

今日小小豬真係令我地好驚喜,完全唔再驚鱷魚先生,仲肯按啲牙仔,就算鱷魚先生合埋咀巴佢都唔驚,仲成日講話佢係醫生,真係俾佢笑C呀!

不過,今次小小豬有依個表現,真係要俾個叻叻大肥豬,可以引用學校教緊嘅話題,引小小豬去玩依個小遊戲,等佢可以克服鱷魚先生。

大肥豬成日都會諗好多唔同方法引領小小豬,所以大肥豬真係一個好爸爸嚟呀!

沒有留言:

發佈留言