2014年4月24日星期四

We嘩!充氣嘉年華 2014

21 APRIL 2014(MON)

嚟到今個復活節我地一家嘅重點節目,就係去We嘩!充氣嘉年華玩餐飽啦~
Picture

首先要再一次多謝PR姐姐嘅邀請同幫忙,因為本來我地係約好左開幕第二日嚟玩。不過因為有啲突發事,所以我地當日唔可以出席。好在最後得到PR姐姐幫忙,我地可以改期嚟玩啦!

We嘩充氣嘉年華每年都會係唔同嘅地方舉行嘉年華,雖然今次係九龍城廣場所舉行的可能係比較細少,需要分兩個區域舉行活動,主要設在廣場地庫的三個大型裝置,及於UG樓則是三個小攤位,不過都足夠令在場嘅小朋友玩得好興奮啦~
PicturePicture

我地今日嘅任玩玩樂時間就由PR姐姐替小小豬蓋上小手印開始~
Picture

我地第一個遊戲就先去「We 嘩!抓抓樂」係入面有啲風將啲氣球吹來吹去,一見啲氣球飛來飛去。唔止小小豬,就連入面啲小朋友都玩得好興奮~
PicturePicturePicturePicturePicture

係第一次玩嘅初段,可能小小豬唔太習慣,所以曾經有一刻想走嘅衝動。好在在場嘅負責哥哥好細心咁逗小小豬,所以最後小小豬先可以好放心咁玩,仲連玩左兩轉添呀~
Picture

可能今日係最後一日嘅關係,所以當我地玩完兩轉抓抓樂之後,到玩「恐龍遊樂園 」時就開始要排隊。不過慶幸當時人數唔算多,所以我地排左數十分鐘就可以去玩啦!依個遊戲即係跳彈床,入面仲有啲恐龍、小龜同滑梯俾小朋友騎上去玩。

不過小小豬就唔多熱衷騎恐龍,只係入面跳跳跳咁走嚟走去呀~
PicturePicturePicturePicture

我地當然要玩埋最吸引嘅「小丑魚奇幻漂流」,小朋友除左係前排彈床跳跳跳之外,最重要就係去爬入魚嘴,之後就係尾部"SIR"落嚟。

其實小小豬都係剛剛好可以入去玩,所以係爬上彈床同魚嘴時都幾吃力,加上同場嘅大小朋友都比佢爬得快,所以小小豬開頭都好似一舊飯咁唔知點入手好。不過好在場內嘅工作人員見到有小朋友需要協助時,到會即刻幫忙,咁比較細小嘅小朋友都可以享受依個遊戲,真係要俾個LIKE啲工作人員呀~
PicturePicturePicture

我地係地廣場地庫玩左一輪激烈遊戲之後,就轉戰UG樓玩啲文靜少少嘅遊戲。

首先就去玩「We 嘩!造型流沙」,依啲特別嘅綠色沙,完全不黏手及衫,而且仲有抗菌成份,所以相當衛生同易於清潔。入場玩嘅所有大小朋友都一定要使用消毒洗手液先可以入去玩,所以就更加放心了~
PicturePicturePicturePicture

之後我地就去「We 嘩!藝術廊」做個小手工,原本都打算做啲簡單嘅筆筒,點知小小豬見到依個動物小屋擺設就非常鐘意,所以最後我地都係決定向難度跳戰,佢地兩父子整得幾投入~
PicturePicturePicture

幾經辛苦(都整左大半個鐘有多),終於完成啦!但走嘅時候都係要拆左佢放入書包仔拎返屋企。雖然好似係白費左啲,不過小小豬有大半個鐘乖乖坐定定主動做手工,都已經係好叻仔啦~
Picture

玩埋最後一個遊戲「智勇神槍手」,小小豬都幾有氣勢咁渣住支槍去射,緊係啦....因為射中就有小禮物嘛~
PicturePicture

整體上玩左一轉所有遊戲之後,我地就去TEA吓休息一陣,之後就再去玩過。不過當時正值人流高峰,所以好多遊戲都好多人。最後我地就俾小小豬決定再多一次玩遊戲,估唔到小小豬最想玩都係「小丑魚奇幻漂流」,所以我地又去排隊了。

可能吸引左第一次玩嘅經驗,今次小小豬明顯比上一次玩時進取同興奮,不停跳跳跳之外,仲成日都要爬入魚嘴~
PicturePicturePicturePicturePicturePicturePicture

玩完一次都唔夠喉,又話要再玩,最後總共排左三次隊,係最後一次仲玩到冇晒能量了~
Picture

哈哈...何其精力旺盛嘅小小豬都玩到冇晒能量,所以話We嘩!充氣嘉年華真係一個放電好地方呀!

今次佢地已經完滿結束,唔知下一次會係幾時呢?希望可以快啲再有得玩就好啦!因為唔止小小豬,衽場每一個小朋友都係玩得開心又盡興呀!

沒有留言:

發佈留言