2014年5月19日星期一

世界只有婆婆好

17 MAY 2014(SAT)

正當我地三口子係烏溪沙玩緊嘅時候,收到幾張WhatApp相片,原來俾依個暴力嘅小小豬攪到個鼻仔嚴重毀容嘅BUNNY會好返晒呀~
Picture

毀容前嘅可憐BUNNY,都真係唔知依個小小豬係點玩嘅,可以攪到BUNNY個鼻爛成咁呀~
Picture

其實BUNNY個鼻都爛左有一段日子,不過因為佢係寄居左係小豬媽屋企,所以就比較少理佢,成日都話要整返好佢,不過次次都總係忘記左,所以都依家都仲係BUNNY。

小豬媽今日執房時見到BUNNY,話見到BUNNY咁可憐,忍唔住要整返好佢,等個百厭豬下星期返去有得玩~
PicturePicture

依個小豬媽真係鍚到個孫加零一,自己身體精神好返啲又嚟掛住個孫,做針織嘅工作係好傷神嘛,真係要唱返句:世界只有婆婆好...有婆婆的孩子像個寶!

不過,當我放依幾張相係FACEBOOK時,小豬媽話我好將佢個醜怪嘅睡衣LOOK都放上嚟。但其實我覺得依兩張相都不知幾靚,係我近期見到最有愛嘅一張相,一個為婆婆為左個百厭孫,簡直係愛的表現嚟啦!

所以我一定要將依件事好好紀錄低,等小小豬大個睇返嘅時候都知道,原來小豬媽曾經為佢做過依啲簡單但又勁窩心嘅事呀!

沒有留言:

發佈留言