2014年5月24日星期六

試食:華園新品

22 MAY 2014(THU)

首先謝謝華園公關姐姐嘅邀請,可以優先試食嚟緊六月係惠康推出嘅新產品零食~
Picture

「華園」對我嚟講真係一啲都唔陌生,因為佢地嘅齋燒鵝都可以話我由細食到大嘅零食之一,到左依家我為食起上嚟都會買嚟食。

華園今次有新嘗試,就係推出五款海鮮系列小食,括爆脆魷魚、燒三文魚鱈魚棒、煙燻足片、魷魚燒 (冬蔭公)、魚之燒(薄切)芥辣味,五款小食各有特色呀!

今次就由我同大肥豬變身試食專員,試吓其中三款新零食先啦!

爆脆魷魚 - 嚴選優質魷魚加入秘製的辛辣香料,充份的表達「爆」「脆」質感~
PicturePicture

香香脆脆而且有啲啲煙靭感覺,而且帶少少辛辣感覺,味道都幾好,配埋可樂一齊食,真係一流享受呀!不過唔知係唔係郵寄關係,所以啲脆魷魚比較碎,如果可以成條咁食,咁有埋手感,感覺應該仲正呀~
Picture

煙燻足片 - 日本的著名的海產手信一定會提及煙燻足片,喺香港的日式超市購買煙燻足片,動軌過百元亦只得90克。華園煙燻足片選自魷魚鬚切成片,以煙熏處理,厚度適中而不「煙韌」~
PicturePicture

我本身都比較喜歡食魷魚,所以對依款零食都幾有期待。打開包裝就聞到很香的煙燻味,魷魚鬚切成小圓形片,口感比較軟身,食落煙煙靭靭唔會覺得好厚硬難咬,而且鮮味十足,都係一個唔錯選擇呀~
Picture

燒三文魚鱈魚棒 - 每層一種口味,分別有鱈魚、黑芝麻和燒三文魚共五層。味道出奇地搭配,黑芝麻的香味能帶出燒三文魚和鱈魚的海鮮香味~
PicturePicture

由於我唔食芝麻類食品,所以依款零食就交由大肥豬全權負責試食。燒三文魚鱈魚棒的確有五層,令整個質感煙煙韌韌,再加上好香嘅芝麻味口感非常豐富~
Picture

依三款新零食嚟緊六月就會推出,如果大家仲計劃緊買啲咩零食陪睇世界杯時,不訪考慮吓依三個新選擇啦!

 

More Information :
Website:http://wahyuenshop.com/index.php

Facebook:https://www.facebook.com/pages/%E8%8F%AF%E5%9C%92-Wah-Yuen/608679462509994

沒有留言:

發佈留言