2014年5月27日星期二

三眼仔夾夾機

23 MAY 2014(FRI)

小小豬仲乜咁開心,知唔係可以帶佢恨左好耐嘅三眼仔夾夾機返屋企慢慢玩啦~
Picture

其實好耐之前小小豬係APM都見過依部三眼仔夾夾機,剛好嗰時有部SAMPLE,所以小小豬即刻走去玩,仲玩到唔願走添。

自嗰次之後,每一次去APM時,小小豬都一定要求去搵三眼仔,不過每次去LOG-ON都搵唔到,所以一直都冇機會再玩啦!

就係依個時候,收到好友依份禮物,唔止小小豬,就連我都不知幾興奮,一見到就即刻想拆嚟玩啦~
Picture

好靚嘅夾夾機呀~
Picture

朋友仔仲好細心,幫我地準備埋電芯,所以小小豬一打開就可以即刻玩啦!

睇吓佢幾專心咁夾~
PicturePicture

睇吓點先~
Picture

夾到之後幾興奮~
PicturePicturePicture

之後繼續努力~
PicturePicture

哈哈...小小豬夾到個三眼仔時真係笑得好開心,好耐都冇見佢笑得咁燦爛啦~
Picture

邊笑邊夾,真係睇見佢咁開心,就連我都開心埋一份呀~
PicturePicturePicture

夾晒啲三眼仔時個樣幾得戚~
Picture

其實我真係覺得依部夾夾機唔錯,可以係玩之際同時做到啲小訓練,因為我見小小豬夾三眼仔時都真係好認真咁對住啲三眼仔位置嚟夾,好專注望住啲三眼仔,絕對唔係亂按一番,玩多啲對專注力同埋手眼協調都應該會有幫助。

不過我覺得最大幫助就係可以訓練小小豬嘅耐性,因為夾公仔依啲嘢都真係冇可能一次就夾到,小小豬夾依六隻三眼仔都用左差唔多大半個鐘。不過係依半個鐘入面,就算夾唔到都冇放棄,仲好專心咁夾,就算夾唔到都冇忟憎,只係講佢句口頭襌『加油、努力、俾心機』。

除左夾三眼仔之外,搵機會可以換啲糖或者其他小玩意俾小小豬夾,咁就可以KEEP住繼續玩啦!

非常多謝好友送俾小小豬依份大禮物,有得開開心心咁玩又可以做啲小訓練,等小小豬可以從遊戲中學習呀!

沒有留言:

發佈留言