2014年6月30日星期一

又嚟拍拖喪玩迪迪尼

26 JUNE 2014(THU)

由於今日小小豬學校突如其來嘅假期,難得平日放假,當然唔好放過咁好機會,兩母子拍拖入迪迪尼玩啦~
Picture

之前次次同小小豬講入迪迪尼,佢嘅表現都係開心,不過今次就好唔同,一同佢講入去玩時,佢已經不停咁講話去邊度玩,要玩啲咩,仲計劃好晒要帶我去玩八樣遊戲。

既然小小豬咁投入,所以今日就由小小豬做小領隊,帶我入去玩呀!當佢入去園嘅時候,話要去玩"LEVEL幾...LEVEL幾",我都聽到一頭冒水,最後小小豬就帶我去,原來佢想玩嘅係巴斯光年射槍~
PicturePicture

之後例必去攪攪陣,個傻豬仔真係好鐘意部相機,次次要玩一輪,不過....等下次迪迪尼大減價先買俾佢啦~
PicturePicture

之後就去渣車車,自從上次玩過一次之後,個傻豬仔都不知幾鐘意,所以今次當然又要玩一轉啦!不過,其實我都真係幾怕玩馳車天地,因為次次都係要排晒長龍,但小小豬鐘意玩,見佢又肯乖乖排隊,所以就陪佢排吓啦!

好在今日都唔算太多人,我地排左大半個鐘就可以玩啦~
PicturePicturePicturePicture

下一個目的地,當然係其中一個小小豬至愛嘅飛碟啦!今日天氣真係好悶熱,小小豬玩到依個時候都已經成身濕晒,又要變身啦~
PicturePicture

玩完依個,小小豬竟然話要去玩轉轉杯,唔好話小小豬之前都未玩過,就連我都好驚玩,因為真係會玩到頭都暈嘛!

相信都係因為依排大肥豬同小小豬講故事嘅時候,講過一班小朋友去玩轉轉杯,所以小小豬先要玩。

不過,點到估唔到第一次玩嘅小小豬一啲都唔驚,仲笑晒口周圍望。反而我就真係暈暈地,下次都係等大肥豬係度時,等佢地兩父子玩啦~
PicturePicture

路過見到MICKEY,小小豬都話要去同MICKEY玩。不過因為換左新整嘅MICKEY & MINNIE實在太多人排,今日預計都要排60分鐘,所以最後就去同左DAISY同高飛影啦~
PicturePicturePicturePicturePicture

到左巡遊時候,坐定定食飽飽先~
Picture
不過今日我地個位置唔多好,當小朋友出去嘅時候,個職員唔俾我跟埋去,所以完全唔知發生咩事,小小豬最後冇得玩,佢返嚟嘅時候都不知幾唔開心,仲"偏偏"咀咁,下次一定要早啲去搵返個靚位先得~
Picture

又到為食豬時間,我幾時都話有得食個豬仔就係最開心~
PicturePicturePicture

食飽飽之後有晒能量,行去玩到開心過人呀~
PicturePicture

之後就到左小小豬夏天必到嘅地方,不停走嚟走去,玩水玩得好興奮呀~
PicturePicturePicturePicturePicturePicturePicturePicturePicture

玩到內內外外都濕晒呀~
Picture

最後玩左大半個鐘,就換衫離開依個咁好玩嘅水池啦~
Picture

原本都打算走人,不過小小豬又點肯呀,最後玩埋小小世界~Picture

仲要話玩埋騎木馬先肯走呀~
PicturePicture

今日成個行程都係由小小豬帶路,唯一我話事嘅地方就係入SHOP掃平衫,三小一大都只係$214,咁抵唔迫入去買都唔得啦!不過咁辛苦迫去買都係冇我份,依三件戰利品係買俾我家中兩位俊男呀~Picture

坦白講,單拖帶住小小豬玩左大半日,其實都真係幾攰,尤其係回程時撞啱放工時間,搭地鐵係會人又迫又冇位座,所以都真係幾辛苦。

不過見小小豬全程都玩得咁開心,又冇扭過抱,全部都係自己行,所以都要俾個叻叻佢先得呀!

2014年6月29日星期日

試食:Dr.Ci:Labo - 美禪食

25 JUNE 2014(WED)

謝謝WESHARE & Dr.Ci:Labo嘅安排,今次我試食嘅就係 Dr.Ci:Labo嘅美禪食~
Picture

Dr.Ci:Labo我都有聽過,不過只係知道佢係一間出名護膚公司,原來仲有一系列瘦身美容飲品嘅產品。我今次試用嘅就係佢地顧客最愛產品TOP10中第五名嘅美禪食~
Picture

其實一向我都因為身體體質問題,係唔可以食內服嘅減肥產品。不過留意到Dr.Ci:Labo以禪食為基本,添加合計30種以上的穀類及高營養價值的蔬菜、豆類,另外還加上具有高效美膚效果的膠原蛋白和維他命C以及食物纖維。有助於控制卡路里攝取,並能補給滿足肌膚、健康需求的充分營養。

美禪食精心調配的美味口感,十分順口,可與牛奶、豆漿等一起沖泡飲用,而且亦方便,利用附送嘅小杯就可以好好控制分量啦~
PicturePicture

打開包裝係啡啡地色既粉狀物~
Picture

美禪食係透過代替1日3餐中的1餐進行瘦身實驗,所以我就決定左係每朝早沖一杯嚟飲,仲可以陪小小豬一齊飲奶,嚟個親子早餐時間添!

Dr.Ci:Labo特別推薦搭配豆漿沖泡,因為豆漿內含黃酮素,幫助瘦身不瘦胸,更增添美味。

既然有推薦,所以我都係參考佢依個飲法,不過就一星期加以豆漿沖泡兩次,其他時間就用牛奶沖泡。

先把美禪食撕開包裝倒入小杯,然後加豆漿後調勻就完成啦~
PicturePicture

美禪食要完全融解需要點時間,所以係需要慢慢調勻,先可以完全融解~
Picture

不論係豆漿定係牛奶,雖然我每次都努力咁慢慢調勻,都總係有少少沒有完全融解於豆漿內,所以都有啲啲粒粒狀物,不過咁都幾特別,因為口感上有點像飲緊果凍加豆漿嘛!

味道方面都美禪食唔會有太明顯的味道,同平日飲豆漿及牛奶都沒有方別呀~
Picture

我暫時試了十日,感覺很唔錯,飲用後從沒有出現腹瀉、 肚痛等副作用,只覺得小便次數比平日多。飽肚感方面我又覺得OK,起碼當早餐飲完之後,到下午二點幾先開始感覺到有少少餓意。

至於體重方面,始終我都只係試食了十日,只係一盒中的三分一,所以我覺得暫時都就沒有太大分別係正常嘅,不過我會繼續努力呀!

 

More Information :
Website:http://www.ci-labo.com.hk/

Facebook:https://www.facebook.com/drcilabo.hk?fref=ts

2014年6月28日星期六

紅菜頭湯

24 JUNE 2014(TUE)

話說前幾日姨媽嚟探小豬媽嘅時候,買左好幾個手掌咁大啲紅菜頭俾小豬媽煲湯飲。啲紅菜頭真係好大粒,所以今日就嚟煲個既簡單又好有益嘅紅菜頭湯啦~
Picture

其實我地之前都唔識煲紅菜頭湯,唔好話煲就連聽到好少聽,係小豬媽針灸嗰位醫師介紹,我地先識煲依個湯。

原來一個簡單嘅紅菜頭,佢嘅功效都好廣,可以補血養顏、護肝排毒。真係任何人都可以飲,連小朋友都可以飲呀!

材料都係非常簡單,只係一個紅菜頭(如果係普通街市冇大嘅,就可以用兩個細代替)、番茄五粒、薑兩大舊~
Picture

先將紅菜頭去皮切塊,成個紅菜頭都好有營養,所以啲葉同莖都一樣可以拎埋嚟煲湯呀~
PicturePicture

番茄切開四件~
Picture

薑連皮切開一半,之後拍鬆佢備用。其實薑係可以因應個人口味加減,由於我鐘意薑嗰種辣辣地嘅口感,所以先咁多啦~
Picture

隨水紅菜頭及薑放入煲內開始煲~
PicturePicture

煲左大約二十分鐘之後,就可以將蕃茄加埋入去煲~
Picture

最後再用中火煲多大約四十五分鐘,之後落少少鹽~
Picture

一個簡單又有益嘅紅菜頭湯就完成,除左可以有湯飲之外,啲湯料都一樣可以食呀~
Picture

老實講,依小豬媽開頭煲嗰幾次,我都唔多肯飲,只係好勉強咁飲左一碗,因為都真係唔多習慣飲咁"紅"嘅湯。不過飲多幾次,又發覺又真係幾好飲,加上又可以排毒咁有益,所以依家每次煲嘅時候我都會自動自覺咁大大碗飲幾碗呀!

其實好多朋友都有加埋肉嚟煲,不過針灸師話最好有營養就係只落依幾樣簡單材料,有需要時就加埋紅蘿蔔同粟米就得啦!