2014年6月27日星期五

小遊戲大訓練

22 JUNE 2014(SUN)

雖然天氣唔好冇得去街街玩,不過都可以係屋企開心親子一番! 因為大肥豬買左盒考平衡嘅益智遊戲,既可親子又可以做小訓練,真係刺激又好玩呀~
Picture

依個小遊戲就係TOPPLE,大肥豬係啲細細間嘅玩具店見到,最好就係個價錢都只係三十幾蚊,所以就買左返嚟等我地一齊玩啦~
Picture

依個遊戲主要就係輪流將啲小棋放上個平衡架上面,個平衡架只有一個接觸點,所以係好考平衡、定力同耐性,因為一大力啲啲,個平衡架就會左搖右擺,好易跌哂啲棋落枱面就輸會左啦~
Picture

其實最正確嘅玩法就係擲骰仔,擲到幾多號就放回所屬嘅層數~
Picture

不過小小豬都始終仲係細,仲未會好好掌握到個力度同埋個平衡,為免加添個難度,所以暫時我地嘅玩法就係三個人隨意咁輪住放上去個平衡架上面。

開頭小小豬都唔太願意玩,不過經我地一輪教導同示範,小小豬開始明白個玩法,所以都好用心咁慢慢將啲棋放上去啦~
PicturePicturePicturePicturePicture

今日我地玩左幾次,小小豬表現一次比一次好,啲平衡、定力同耐性都有少少進步,因為玩左幾次之後,真係見到小小豬係好慢慢咁輕輕手放上平衡架,都總算係明白左依個遊戲嘅重點。

當然小小豬都總係有失敗嘅時候,不過我覺得失敗左都係另一個好好嘅訓練。因為小小豬嘅性格都係啲唔認輸、任何事都要做第一嘅小朋友,所以我都希望透過依個遊戲,令小小豬明白所有事都唔一定要第一,輸左唔重要,唔洗發脾氣,最重要係玩嘅過程開心,同埋下次再努力就可以得到勝利。

其實,我覺得要令小小豬明白依個道理比訓練佢啲平衡仲要困難,不過我地都會繼續KEEP住努力教,希望令小小豬明白依個道理。

我覺得小朋友要有個想贏嘅好勝心係好,不過始終唔會次次都係你贏,唔可以一有少少錯就影響到情緒。所以我地依家主要都係培養小小豬依一方面為大前提,希望小小豬接受到輸贏嘅結果,贏左嘅唔好驕傲,繼續保持一個平常心;輸左嘅都唔洗唔開心,只要下次再努力,一定會嬴返。

依啲心態唔好話小朋友,就連我地大人有時都未必做到。不過我覺得可以趁依家嘅小朋友學習黃金期,可以重依啲方面著手重啲,希望慢慢可以培養出依個好心態,因為識得輸...才會得到最後嘅勝利!

沒有留言:

發佈留言