2014年6月11日星期三

Mr.X 密室逃脫體驗館免費挑戰體驗之旅

7 JUNE 2014(SAT)

話說之前有幸俾抽中參加由SeeWide香港玩樂指南 X Mr.X 密室逃脫體驗館免費挑戰體驗之旅(請按此),終於等到今日,我約埋細路細妹,同埋好姊妹糖糖,一行五人齊去玩啦~
Picture

其實依啲密室遊戲我都係第一次玩,所以其實都帶有一份驚驚地嘅心情去玩。

Mr.X密室逃脫體驗館位於紅磡廣場第二及三層,當行到入商場就自己見到好多圖畫引領我地入去啦~
PicturePicture

一入到接待處,就地都分別俾依個密室逃脫館的燈箱吸引住,望住就已經覺得好緊張,大家都幻想緊入面係點呢~
Picture

由於我地早到左,所以接待員就安排左我地去樓上坐一陣。我地當然唔好浪費依個機會,係度不停攪攪陣啦~
PicturePicturePicture

玩之餘都有留意吓周圍環境,啲佈置都幾大型同埋幾特別呀~
PicturePicturePicturePicture
PicturePicture

仲有好多唔同種類嘅小遊戲可以俾大家玩呀~ Picture

另一邊係一個小酒吧,可以為客人提供場地搞音樂會或者係派對,環境都幾舒服呀~
Picture
Picture

攪攪陣左之後,終於輪到我地玩啦!負責人安排左我地入去佢地最受歡迎同埋最有視覺效果嘅ROOM 1俾我地玩~
Picture

唔好以為只係玩玩吓,係去玩之前係好認真,入房之前係需要做安檢,唔可以帶電話...計數機...相機入去,因為係需要靠與隊友合作,合大家嘅智慧去逃出密室呀~
Picture

我地嘅探險就由依個大門開始~
Picture

一入到密室,Mr.X 職員先細心講解一吓需注意事項,之後就分配了兩支電筒俾我地就開始啦!依個密室實際有大約1300尺,我地需要續一咁打算啲鎖逃走。係房間內真係要極度細心,將所以可能性都納入思考範圍,所以都真係超級難呀!

開頭我地都興致勃勃,不停搵線索,就連牆上啲細細嘅提示我地都要諗埋一份。我地都用左差唔多20分鐘,試過好多唔同方法,我地都仍然搵唔到重要線索去打開大夾萬,最後就只好用HELP咭請"救兵"先可以順利行去第二個關卡

其實每一個關口我地都努力咁去搵辦法去打開個鎖再入去另一關,無奈啲機關都真係好利害,如果唔係好搵"救兵"嚟教我地點行時,我地都真係完全諗唔到,所以....好明顯我地之後幾個關卡都係要用HELP咭請"救兵"先可以成功逃脫,實在有少少失禮添!

雖然過關得比較醜怪,不過都總算係逃脫到,所以扮吓嘢影張勝利之相先~
Picture

為左令我地玩嘅時候可以投入啲,同埋唔好將啲機關秘密公開,所以玩嘅時候係唔可以影相。不過,負責人安排左我地係玩完之後,再入房間影幾張相,留個紀念啦~
Picture

係成個探險過程,真係最鐘意依個紅外線,好有職業特工隊FEEL呀~
PicturePicturePicture

整體上今次依個密室逃脫體驗都真係非常好玩同埋刺激,真係一個好好考驗自己嘅觀察、思考、腦力同智力嘅好方法(不過奈何我平日比較少用腦.....所以.....哈哈哈)。

但真係要讚一讚佢地嘅各位工作人員,服務態度好就唔在講,當我地用HELP咭時,佢地會好耐心咁引領我地去思考個問題,有時仲用好幾個方法引導,務求令我地可以自己解開個關卡,等我地增加多啲自信心呀!

其實我都覺得真係唔錯,不過可能因為我地比較心急逃脫,加上又走嚟走去,所以都有一定程度覺得熱熱地。所以如果可以加多少少冷氣,咁玩起上嚟就更加舒服啦!

再一次SeeWide香港特搜及MR.X真實版密室逃脫遊戲嗁邀請!

 

More Information :

SeeWide香港特搜
Website:http://www.seewide.com/index.php

Facebook:https://www.facebook.com/seewide.hk?fref=ts

MR.X真實版密室逃脫遊戲
Website:http://www.mrx.com.hk/index.aspx

Facebook:https://www.facebook.com/mrxhk?fref=ts

 

沒有留言:

發佈留言