2014年7月31日星期四

We嘩!充氣嘉年華@奧海城

25 JULY 2014(FRI)

暑假真係造就左好多機會俾我同小小豬拍拖去街街,今日我地就係去We嘩!充氣嘉年華,等小小豬嚟個大放電啦!

坐住恐龍嘅小小豬係唔係好有型呢~
Picture

其實小小豬係復活節期間都去過參加We嘩!充氣嘉年華(請按此),嗰次雖然係都係玩得開心,不過明顯就冇今次咁投入。因為今次我地大約三點半去到,一玩就玩到活動完結先離開,途中只係利用左大約45分鐘去食晚餐(可能在希望有得繼續玩嘅動力吓,小小豬今次食飯速度比平日快呀...哈哈哈),我地都玩左差唔多四個幾鐘,小小豬都完全唔識攰,玩到最後一刻都唔願走呀!

真係要非常多謝公關姐姐嘅邀請,仲要多謝大仁叔叔幫忙,小小豬先有機會咁瘋狂去玩呀!

可能係平日再加上第一日嘅關係,所以人都唔算太多,不過小小豬係遠處見到啲充氣遊戲時,已經急不及特要去玩啦~
PicturePicture

小小豬鐵人耐力賽就係由依個印仔開始~
Picture

睇吓有咩玩先~
Picture

估唔到小小豬第一個要玩嘅,就係全場最大嘅『變色龍世界』~
Picture

其實開頭我都有少少擔心,因為依個遊戲真係好大個,估計大約都有兩層樓高,加上我地家長又睇唔到入面嘅情況,所以都驚小小豬唔知係入面玩成點。

不過,原來我係唔洗擔心,因為小小豬一入到去之後,就已經一支箭咁跑入去跳跳跑跑,依依四分鐘時間都唔見佢出過嚟,走嘅時候又不停話要繼續玩,相信佢一定係入面玩得好興奮呀~
PicturePicture

之後我地就轉玩『抓抓恐龍蛋』,同上次一樣小小豬都係入面玩到癲晒~
PicturePicturePicturePicturePicture

仲玩到唔肯出嚟添呀~
PicturePicturePicture

之後我地就去排隊玩『坐坐龍』,依個遊戲可以話係排得最耐嘅一個,我地足足排左四十五分鐘先到我地呀!

原本我都想叫小小豬玩住其他遊戲先,等少人啲先再嚟過。點知小小豬好堅持話想玩,仲話佢會乖乖排隊,所以就順佢意思啦~
PicturePicture

正當我地排隊之際,我地見到恐龍BB係商場內同大小朋友一齊玩『捉依因』,不過我地當時都差唔多到我地,冇理由放棄排左咁耐嘅坐坐龍,所以都只能遠望啦~
PicturePicture

玩左幾個動態遊戲,停一停玩啲靜態啲先,所以我地就去玩造型流沙』。小小豬玩得都好投入,成日都話要整雪糕我食,依個為食豬真係玩住都係掛住食呀...哈哈哈~
PicturePicturePicturePicture

我同小小豬嘅製成品,靚唔靚呢~
Picture

繼續靜態遊戲,我地就去做手工,今次冇大肥豬在場,原本我係打算整啲勁簡單嘅筆筒就算,點知小小豬堅持話想整小屋,仲話會自己整,咁我又試吓佢係唔係真係可以做到。

小小豬真係好專心咁整屋仔,只係較難嘅部分要我幫忙,其他簡單嘅真係一手一腳自己整,仲整得好專心添呀~
Picture
PicturePicturePicture

我地用差唔多一個鐘時間整手工,亦都俾機會我休息一吓。小小豬好努力下,終於完成啦~
Picture

再去做埋『神槍手』~
PicturePicture

玩左幾個靜態遊戲,小小豬已經開始唔耐煩,要去玩『恐龍遊樂園』啦!上次小小豬唔多肯玩依個,就算玩都只係係上面行嚟行去。不過今次明顯好唔同,大膽左好多,係上面不停跳跳跳...又走嚟走去,玩得不知幾開心呀~
PicturePicturePicturePicturePicturePicturePicturePicture

其實原本我都冇打算玩咁耐,都係打算玩個幾鐘之後就走,之後就去接大肥豬放工。不過小小豬實在玩得太開心,所以最後就到返大肥豬嚟接我地。

大肥豬嚟到真係非常合時,我地剛剛又開始玩『變色龍世界』,所以我就可以上二樓高處睇吓小小豬係入面玩成點。

原來入面條滑梯真係好高又快,小小豬仲可以完全唔驚,真係勁呀~
PicturePicturePicturePicturePicturePicture

小小豬今日真係可以話係玩到傻左,因為佢玩左五次『變色龍世界』、四次『恐龍遊樂園』、三次『抓抓恐龍蛋』同『神槍手』、兩次『坐坐龍』造型流沙』,真係玩到連啲工作人員都認得佢啦!

玩左咁耐依個小小豬好似完全唔識攰,反而我只係陪排隊都攰到冇朋友,小朋友嘅精力真係唔可以睇少呀!

嚟緊8月暑假黄金檔期,「We嘩! 充氣嘉年華」將重臨東港城 ,今次仲會以「群馬」出動穿梭東港城,聽個名就知好厲害,希望到時都可以有機會再嚟大玩特玩啦!

 

More information :

We嘩!充氣嘉年華@奧海城【 與「龍」同行】
日期 :7月25日至8月3日(共10天)
地址 :奧海城2期地下主題中庭(香港西九龍海庭道18號)
時間 :中午12時至晚上8時
遊戲票價 :HK$10 ~ HK$50

 

Website:http://www.wewaland.com/OC-2014/
Facebook:https://www.facebook.com/WeWaLand

2014年7月30日星期三

開心又嚟迪迪尼

23 JULY 2014(WED)

今日我地兩母子又嚟拍拖入迪迪尼啦,印象中好似係第一次相母子係城堡下留倩影哦~
Picture

其實今日入園玩都係其次,今日最主要係同好友入迪士尼酒店歎HIGH-TEA慶祝好友嘅生日。因為未夠鐘,所以我地兩母子就先入園行一個轉先。

不過唔知係唔係暑假關係,周圍都係好多人,加上天氣又熱到冇朋友,為免小小豬太快玩到冇能量,所以都係入去SHOP行吓,涼吓冷氣先~
Picture

等埋好友嚟到,我地就轉戰迪士尼酒店歎HIGH-TEA啦!因為好友係有金咭,生日月可以有買一送一優惠,所以就可以約埋我一齊嚟食啦~
Picture

職員姐姐好好人,一早為小小豬準備左兒童套裝呀~
PicturePicturePicture

等左一陣,我地嘅HIGH-TAE嚟啦!

先嚟我地嘅飲品先~
Picture

再嚟好靚嘅HIGH-TAE小食~
Picture

每一層嘅食物都好精緻呀~
PicturePicturePicture

依個為食小小豬真係老實不客氣,一見到個士多啤梨馬卡龍就即刻拎嚟食,仲好似好滋味咁哦~
PicturePicturePicture

對上一次入嚟迪迪尼酒店食HIGH-TEA時,就係我仲有金咭嘅生日月(請按此)。不過原來時隔差唔多一年,依家依個HIGH-TEASET都已經有唔同,除左有一層層嘅小食之外,仲有主菜添呀~
PicturePicture

我地食飽飽之後,原本小小豬好想落酒店下面個大迷宮玩(可以佢記上次嚟時玩得好興奮啦),不過我實在唔夠氣力同佢追逐,所以都係等下次大肥豬一齊時等佢地兩父子跑跑跑啦!

之後我地一行三人就再入迪迪尼繼續玩,行過見到史迪仔,小小豬都好似未同過佢玩,加上又唔多人排隊,所以我地又嚟影啦!

唔知點解小小豬見到史迪仔會咁興奮,全程笑到傻咁影呀~
PicturePicturePicture

之後行入幻想花園,今次都我勁興奮,因為見到我好耐冇見嘅MARIE呀~
Picture

WOW.....我至愛嘅MARIE呀!!!! 冇見佢都大大話話有四年多啦,今日再可以同佢玩,你話我點可以唔興奮呀!

非常感謝在場嘅攝影師哥哥,佢幫我地影左好多張相,唔同角度唔同位置都有影,仲好用心咁幫我引小小豬(最重要係用我部機嘅時候都好落力),依家係樂園可以搵到一個咁好嘅攝影師哥哥,真係唔易呀~
PicturePicture
Picture
Picture
Picture

超級鐘意依張相,攝影師哥哥真係好捉到嗰一刻,真係要俾個"LIKE"佢呀~
Picture

咁耐冇見,我又點可以放過依個機會呢!所以先將小小豬交俾好友睇住,我自己同MARIE影返夠本先~
Picture

我真係好唔想咁快就離開依個亭,因為唔知下次幾時先可以再見到MARIE。不過,其實我地比其實人都影耐左,所以唔可以咁貪心影響其他朋友,唯有勁唔捨得嘅情況下同MARIE講拜拜啦!

原本我地都好想影MICKEY,不過又真係多人得恐怖,要排成60分鐘以上,所以我地就轉向同PLUTO影啦~
PicturePicture

影完相之後,由於好友仲有下場節目,所以佢就先離開樂園,我地兩母子又繼續玩。

接下來又到小小豬指定玩樂時間,佢第一個主力就係佢次次嚟都一定要去嘅小小世界~
Picture

當我地行出嚟時見到汽球哥哥,估唔到小小豬如此大膽走去問哥哥可唔可以送一個汽球俾佢,就係咁哥哥就即場整左直昇機俾小小豬啦~
PicturePicturePicturePicture

之後就到玩我最怕嘅遊戲 - 轉轉杯,其實我真係唔明白點解小小豬玩依個係唔會暈,當我轉左第四吓之後,我都已經開始覺得暈暈地,反而小小豬仲好精神咁周圍望~
PicturePicture

原來之後小小豬話想去玩水,不過見在場已經有好多強國嘅小朋友,我唔係因為見強國小朋友就唔俾小小豬一齊玩。只係佢地玩得都真係幾粗魯,見有啲好大個嘅小朋友不停向細小嘅潑水(仲要係好密集式咁潑),為免小小豬受傷害,所以都唔俾佢玩啦!

之後我地就轉玩巴士光年啦~
PicturePicture

仲去玩埋飛碟添~
PicturePicture

其實今日真係冇預計係咁夜走,不過因為小小豬玩到唔願走,大肥豬又話見佢玩得咁興奮就俾佢玩耐啲,所以最後我地兩個留係樂園食埋晚餐8:30先離開,真係最夜嘅一次呀~
Picture

大肥豬驚個寶貝仔玩到咁夜會攰,所以放工返左屋企之後都再出門口,去荔景站接我地,最重要係全程抱住寶貝仔,真係廿四孝DADDY~
Picture

好友剛剛外遊返嚟,仲送俾我同小小豬準備左韓國手信...多謝呀~
Picture


今日玩得超開心,又食左一個豐富HIGH-TEA,真係勁滿足嘅一天呀!