2014年7月18日星期五

47個月大的小小豬

10 JULY 2014(THU)

小小豬已經47個月大,唔經唔覺仲有一個月就四歲啦~
Picture

原本今日有一個好好節目,有得帶小小豬去玩之餘仲可以學嘢,去慶祝開心一吓。不過因為一個大頭蝦媽咪記錯左個放暑假日期,原來要下星期一先放暑假,所以最後都係返學緊要,冇得去玩添。

雖然冇得去玩,不過今日話晒都係小小豬47個月大嘅日子,加上老師又同我講小小豬係今日學校好主動咁答問題,所以放學就去附近嘅餐廳食分子雪糕啦!

坦白講....一杯小小嘅雪糕都要成44蚊,都真係有點兒貴,不過間唔中食一次都可以接受,加上今期有最HIT嘅熊貓,都真係唔試吓都唔得啦~
Picture

一見到杯熊貓雪糕,依個小小豬都已經勁開心,睇佢食得幾興奮~
PicturePicturePicture

某程度上我都好鐘意睇小小豬食嘢個樣,因為佢對住啲食物個樣真係好出自內心咁開心,仲要食完一面滿足嘅樣,小朋友嘅童真就係咁嘛!

哈哈哈...下個月就踏入四歲,又係時候計劃吓同小小豬攪一連串生日活動啦!

沒有留言:

發佈留言