2014年7月14日星期一

科學園大放電

6 JULY 2014(SUN)

我地三口子半個月前先嚟過科學園玩,估唔到話咁快我地又入嚟玩啦!不過,今次有少少唔同,因為係約埋朋友仔一齊嚟玩呀~
Picture

其實原本係打算約埋朋友仔一齊去HELLO KITTY農莊玩,不過睇見好多朋友仔嘅介紹,都話依家勁多人,又話要排隊等入場。為免兩個小朋友係烈日當空下排咁耐隊,所以都係決定改一改個地方,等HELLO KITTY農莊個熱潮過咁啲先再去玩啦!

既然約好左朋友仔,所以都係要搵啲戶外地方玩吓,等兩個小朋友一齊玩吓...放放電。所以最後都係決定嚟科學園,雖然今日冇特別嘅活動,不過一個咁大嘅場地都足夠兩個小朋友慢慢玩。

其實今日兩個小朋友都玩得非常開心,我仲幫佢地影左好多靚相,不過因為朋友仔唔太方便上鏡,所以只係小小豬嘅一小部分啦!

自上次小小豬入嚟不停踩之後,佢都成日話想再去踩,所以今日入嚟最主要都係去踩單車~
Picture

又玩吓泡泡啦~
PicturePicturePicturePicture

天氣實在太熱,玩左一陣都已經由頭濕到落腳,所以我地都換過件衫,又換個地點(去金蛋下面可以冇咁晒嘛),繼續再玩過~
PicturePicture

兩個小朋友仲一齊學跳繩添~
PicturePicturePicture

又一齊拍氣球~
PicturePicture

玩到攰(其實係我地班大人攰,兩個小朋友嘅精力都不知幾充足呀),我地就去食個下午茶。

休息過後又再繼續玩呀~
PicturePicturePicture
PicturePicture

朋友仔帶左部搖控車,依個百厭豬又話要玩埋一份呀(好明顯係有人搶玩具中啦...哈哈哈)~
PicturePicturePicture

我地係入面唔覺唔覺又玩左差唔多四個鐘,不過依兩個小朋友完全唔識攰,仲到唔願走添呀!

哈哈哈...依個爛玩嘅小小豬返到屋企仲問我幾時約朋友仔一齊再去玩過,睇嚟佢今日真係玩得好開心哦。雖然今日又真係熱左啲,同埋都幾攰,不過見個傻豬仔玩得咁開心,都算係值得嘅。

沒有留言:

發佈留言