2014年7月29日星期二

暑期足球班

22 JULY 2014(TUE)

今日開始每逢星期二同五,我地都要晨早起身,因為要去參加暑期足球班呀~
Picture

依個暑期足球班係大肥豬上網幫小小豬登記,你康文署資助嘅其中一個暑期活動。由於有資助關係,所以我地都只係需要俾$50報名費,咁就可以上十堂足球班課程,真係勁抵呀!

其實開頭都擔心因為太超值,所以好難可以有得參加。正當係BABY KINGDOM見好多媽媽都話收到確認信時,小小豬都仲未收到,嗰一刻都以為抽唔中冇得參加。不過,好在係開堂前一星期,我地終於都收到信,小小豬可以去學足球啦!

有得參加係好事,不過一睇個時間,係早上八點上堂,即刻打左個突。平時小小豬返開下午班,叫佢晨咁早起身仲去踼足球,都唔知可唔可以應付到。但我同大肥豬都覺得事在人為,所以今日就晨早叫醒小小豬,出發去學足球啦~
Picture

好似好乖乖咁留心聽導師講解哦~
Picture

踼起足球上嚟又係威係勢~
PicturePicturePicturePicturePicturePicture

雖然個課程係好平,不過啲導師都好專業,好用心咁教啲小朋友,就算中途小小豬開始扭眼瞓唔投入咁玩,導師都好好咁行埋嚟鼓勵小小豬去玩呀~
PicturePicturePicture

唉...一個返開下午班,平日九點幾起身嘅小朋友,初時就好似係威係勢咁,不過大約玩左半場就開始唔投入,扭眼瞓啦~
Picture

最後仲瞓著左添~
Picture

真係俾依隻豬仔激親,不過可能今日係第一次,所以先出現依個情況,所以都唔可以怪佢。其實係上半場小小豬表現都尚算合格,見佢都好落力咁追個足球,所以慢慢嚟啦...相信下堂表現一定會更加好呀!

沒有留言:

發佈留言