2014年7月4日星期五

變形金剛澳門兩日一夜之旅 - PART 1

28 JUNE 2014(SAT)

依個週末可以話係超級興奮,因為十分榮幸地可以得到PR姐姐嘅邀請,三口子齊齊衝出香港,參加"變形金剛澳門之旅"呀~
Picture

對上一次去澳門就係新年期間,同小豬爸、小豬媽一齊去玩,當時亦都係小小豬第一次離開香港。不過,自從佢去過嗰一次澳門之旅後,小小豬都不知幾鐘意坐船....住酒店...豬肉乾,成日都問我幾時會再去澳門玩。所以當小小豬知道我地今日去澳門玩時,佢都不知幾咁開心,一早就要我地出門口去碼頭啦!

我都比較少搭金光飛航,印象中都係第二次搭,啲座位夠晒寬闊,最好就係全程航行途中都唔算"CHOK",舒舒服服咁就去到目的地啦~
Picture

第一時間當然就係跟大隊去酒店CHECK-IN啦!今次我地係入住假日酒店,正當我地等緊PR姐姐為我地準備房間時,我同小小豬就爭取時間,打算去搵夢工場公仔影相。不幸地,原來剛剛已經表現完畢,所以冇得排公仔,唯有去旁邊售賣車仔攪攪陣啦~
Picture

房間準備好,我地可以上去啦!睇吓依個小小豬幾咁心急,一支箭咁跑去搵房間啦~
Picture

都唔明白個傻豬點解咁鐘意住酒店,佢一踏入酒店房間就已經周圍走,仲成日係度傻笑呀~
PicturePicture

最後就去到佢至愛嘅地方玩,知唔係就係張又大又軟綿綿嘅床上面玩啦~
PicturePicturePicturePicture

佢地兩父子仲嚟個床戰添~
PicturePicturePicturePicture

睇吓佢地兩父子幾溫馨,真係令我有啲妒忌添,點解我同小小豬影唔到啲咁嘅靚相呀~
Picture

依個小小豬真係實在太愛酒店,當我地休息完準備出發去玩時,佢話要自己一個人留係酒店,真係俾佢激C。最後,我地就用左小小豬另一至愛(當然係食嘢),話帶佢去買豬肉乾,個傻豬仔先肯離開酒店房間呀~
Picture

由於今日係自由活動,所以我地休息過後,就向大三巴出發,因為我地要去掃街食飽飽呀!

《續待》 

 

 

 

沒有留言:

發佈留言