2014年7月5日星期六

變形金剛澳門兩日一夜之旅 - PART 2

28 JUNE 2014(SAT)

休息過後,我地就出發去大三巴玩啦!

正當我地係酒店門口諗緊搭咩車去大三巴時,酒店職員就主動教我地行過去新濠天地,因為佢地有免費穿梭巴士去澳門市中心,之後我地行去都只係十分鐘左右。既然有舒服嘅穿梭巴,仲要係免費,我地當然就依照依個方法去啦!

唔知係唔係小小豬係酒店跳得太激烈,小小豬搭車途中就已經熟睡了,就連落車都唔知呀~
Picture

小小豬係依程巴士上瞓一陣都好,因為可以抖足精神可以繼續玩嘛。

原本我地都想搵啲特色啲餐廳,不過因為抱住小小豬行都真係幾攰(我指係大肥豬),所以最後就係附近嘅中式餐廳食我地嘅晚餐。

哈哈哈...依個為食嘅小小豬唔知係唔係知道有飯食,所以一入到餐廳就醒左,一醒就又話要食飯啦~
Picture

其實依乜我同大肥豬都係冇所謂,所以等小小豬醫飽肚之後,我地就去掃街啦!

上次同小豬媽嚟澳門時,都見過好多人係依條小走廊食嘢,睇見就好似好惹味咁,不過因為嗰次我地係趕趕地時間,所以冇機會試,就趁今次試吓啦!

佢地兩父子排隊去搵食啦~
Picture

其實都係啲滾滾吓嘅魚蛋..丸丸..牛柏葉嗰啲食身物,睇吓小小豬幾心急去搵嘢食~
PicturePicturePicturePicture

揀好左嘢食就俾姨姨煮熟啦~
Picture

一個心急豬等食中~
Picture

食得啦...睇吓個為食豬食得幾滋味。剛剛先食完一大碗飯,依家仲可以食魚蛋,依個為食豬嘅食量真係嚇親人呀~
PicturePicturePicturePicture

食飽飽就去SHOPPING,第一站就去買小小豬至愛嘅豬肉鬆~
Picture

之後就去行大三巴影吓相~
PicturePicturePicture

休息足夠嘅小小豬真係精力充沛,係依條樓梯上行嚟行去,我都真係唔夠佢嚟呀~
PicturePicturePicturePicture

好靚嘅花燈,上次嚟到好想影,不過小小豬唔肯。估唔到今次小小豬見到,主動話同我影呀~
Picture

行完街街,又到掃街時間,依個為食小小豬唔知係唔係記得上次嚟過可以試食,所以行過條手信街,見到啲叔叔姨姨拎住啲豬肉乾,佢就已經識得問我地係唔係可以試味。

哈哈哈...既然佢咁好記性又主動問,所以大肥豬都俾佢食少少~
PicturePicture

依個為食豬真係食得開心,仲問我地可唔可以食多一塊。所以當佢見到啲姨姨時,我地叫佢自己去問姨姨拎。

因為我地覺得咁可以訓練一吓小小豬大膽同陌生人交談之外,亦都等佢學吓自己的事自己做,想要嘅時候就用自己方法問人,唔好等佢習慣咩都要我地幫。

當然,我地唔會阻住人,因為嗰一刻店舖冇其他客人,亦都好感謝姨姨有善地同小小豬玩~
PicturePicturePicturePicturePicturePicture

食飽飽豬肉乾之後,小小豬就話回酒店,加上我同大肥豬都已經好攰,所以就聽小小豬話早少少返酒店休息啦!

返到酒店即刻洗白白,係依個透明嘅浴室內,所以我又嚟偷拍小小豬出浴照啦~
PicturePicture

洗完白白休息過後又嚟食嘢,真係好唔明白個為食豬究竟個食量係幾多,仲可以食得落~
PicturePicturePicture

個傻仔真係好鐘意住酒店,緊係啦...因為可以爬嚟爬去嘛~
Picture

就連擦牙洗面都可以咁興奮,係屋企又唔見佢咁哦,真係唔知笑C定激C呀~
Picture

雖然今晚我地三口子都比平日在家早左瞓,因為我地要有足夠休息,去迎接明天嘅精彩節目呀!

《續待》  

沒有留言:

發佈留言