2014年7月10日星期四

變形金剛澳門兩日一夜之旅 - PART 7

29 JUNE 2014(SUN)

終於嚟到我地變形金剛澳門兩日一夜之旅最後一個節目,就係去帶小小豬去威尼斯人®入面嘅PLAYHOUSE - Qube,等小小豬大放電呀~
Picture

睇完3D《變形金剛:殲滅世紀》之後,我地返去酒店收拾好行裝,同PR姐姐CHECK-OUT之後,又嚟我地嘅自由時間。

原本都打算出去氹仔市中心行吓食個晚飯就搭船回香港,不過見天氣唔係咁好,好似想落雨咁,加上我地又拎住大大小小嘅行李,所以最後都係決定留係威尼斯人®行吓啦!

既然仲有時間,叫小小豬乖乖陪我地SHOPPING佢又點會肯呀,所以我地都帶小小豬去Qube玩多一陣啦!

不過,原來澳門嘅PLAYHOUSE同香港唔同,唔係一個價錢任玩。坦白講....入去玩兩個鐘都要$110,其實又真係有點貴,不過依兩日澳門之旅小小豬都算乖,所以就當獎勵佢啦~
Picture

因為都係打算玩兩個鐘,我地都冇再加多一個大人費用,所以就係我同小小豬入去玩,大肥豬就帶埋啲行李係附近嘅餐廳休息一吓,到夠鐘就嚟接我地啦~
Picture

個百厭豬一見到啲設施就已經急不及待周去玩。先嚟玩啲小朋友遊戲,小型波波池同小型滑梯先~
PicturePicturePicture

依個大膽豬又點會咁心玩啲小朋友地區呀!見到旁邊啲大型迷宮,佢又要去玩埋一份呀~
Picture
PicturePicture

其實係依個PLAYHOUSE都有啲大型嘅滑梯,不過嗰啲都真係幾高,所以都係俾啲大少少嘅小朋友玩。最後,都搵左一個長滑梯可以啱小小豬玩,但原來玩滑梯係需要著長衫長褲,我自己當然係冇帶嚟,雖然場內都有衣服免費外借,不過小小豬始終皮膚唔係咁好,所以開頭都唔想俾小小豬著。

不過,小小豬不斷游說我,見佢咁想玩又有誠意,最後都係同佢換上外借衣服,俾佢玩一陣啦~
PicturePicture
PicturePicture

其實條滑梯真係又長又高,依個大膽豬都真係完全唔驚,仲連續玩左五轉呀~
Picture

始終都係唔想著太耐啲長衫褲,所以玩左五轉之後就同小小豬換返衫,玩啲輕型遊戲休息一陣先~
PicturePicture

休息過後當然又周圍爬啦~
PicturePicturePicturePicturePicture

由於場內都有好幾個出入位,加上又人在異地,所以都好唔放心俾小小豬自己一個去玩。所以全程我地係跟隨住小小豬,佢爬去邊我就跟到去邊,就係咁....我真的受傷了,扭親條腰....勁痛呀!

不過....見到個傻豬玩得不知幾興奮,左爬爬....右爬爬,仲做埋一個小小指揮官,話帶我去探險,所以就算整親都係覺得開心同值得呀!

原來兩個鐘時間就好快過,大肥豬嚟接我地走,之後就準備去碼頭搭船返香港啦!就係依個時候,我地三口子真係可以話遇到個貴人。

事緣PR姐姐為我地準備左晚上十一點嘅回港船飛,可以俾多啲時間我地留係澳門玩耐啲。不過因為帶住小小豬,所以我地都唔敢玩太耐,所以都打算早啲去碼頭排後補位。

正當我地等緊酒店穿梭巴去碼頭時,傾緊可唔可以排到後補位時,排係我地後面那位哥哥就問我地係唔係準備返香港,之後哥哥仲話佢有多三張即時船飛可以俾我地。

其實當初我地都有少少疑惑,不過哥哥話只係見我地帶住個小朋友,唔好辛苦去排啦,佢又完全冇叫我地俾錢,加上又真係好驚排唔到後補位,最後,我地係接受左哥哥嘅好意啦!

就係咁,我地唔洗排後補位,就可以搭到即時開出嘅船返香港啦!

嘩....原來哥哥俾我地嘅係頭等船飛,所以我地真係勁好彩,可以早返香港之餘,仲可以坐得舒舒服服呀~
Picture

我都係第一次搭頭等位,原來有飲品同小食提供呀~
PicturePicture

玩左成日嘅小小豬都唔覺攰,仲係船上面塗顏色呀~
PicturePicture

返到嚟香港,即係我地變形金剛澳門兩日一夜之旅就完成啦!

依兩日真係玩得好開心,尤其係小小豬,佢返到屋企都仲問緊我幾時再帶佢去酒店,幾時再去旅行,幾時再去玩過,睇嚟小小豬真係好鐘意去旅行,希望好快又有機會帶佢去玩吓啦!

再一次多謝PR姐姐邀請,我地三口子真係玩得好開心呀!

 

沒有留言:

發佈留言