2014年8月9日星期六

探索科學‧趣味坊@科學園

3 AUGUST 2014(SUN)

哈哈哈...我都話科學園係一個好地方,短短三個月我地已經係第四次入嚟啦!

不過今次有少少唔同,因為我地係應科學園公關姐姐嘅邀請,參加「 探索科學‧趣味坊」~
Picture

我地仲著住套靚靚親子裝,係唔係好靚呢?我自己就勁鐘意啦....哈哈哈~
Picture

我地早左少少去到科學園,所以就周圍行吓先,見到個波波大象,好可愛呀~
Picture

我地由公關姐姐安排,第一個參加嘅工作坊就係去整風車啦!

首先導師姐姐就向我地講解風車同風力發電嘅原理,原來科學園入面其中一座大樓上都有個大風車,係用嚟進行風力發電。嘩....大風車真係好想睇吓,希望下次入嚟可以有機會去睇吓啦!

之後就開始教我地整風車,我地好留心地聽導師姐姐教我地整呀~
PicturePicturePicture

完成啦...靚唔靚呢~
Picture

同場都有經濟日報嘅記者姐姐同攝影師哥哥係度,小小豬仲有幸變身成為小模特兒添!唔知小小豬嘅相會唔會刊登係報紙上面呢,真係令我有少少期待呀~
PicturePicture

之後我地就去製作萬花筒,雖然個步驟就比風車多左啲啲,不過小小豬都算好努力咁去完成呀~
PicturePicturePicturePicture

參加完兩個工作坊之後,我地就去走訪傳統小食攤檔,食龍鬚糖及懷舊吹波糖。其實依兩款懷舊食品我細個時都好鐘意食,不過依家真係好少見到,尤其係個又味又好玩嘅吹波糖,都真係好耐冇見啦!

我地先嚟吓叔叔表演拉龍鬚糖先,真係三兩吓功夫就已經可以有得食啦~
Picture

第一次食嘅小小豬開頭都有啲驚訝,食完一粒之後就仲想再食添。不過由於小小豬對花生有敏感,剛才食嗰一粒係叔叔專登整嘅冇加花生,所以就只此一粒,等我下次有機會見到再買俾小小豬食啦~
Picture

好期待嘅吹波糖呀~
Picture

整糖姨姨話小小豬細個,應該唔夠力吹起個波波,所以叫見嚟吹。哈哈哈....有得玩我當然非常樂意幫小小豬依個忙啦!我都真係好耐冇玩過,真係好懷念呀~
Picture

哈哈哈...小小豬好乖咁同我分享粒波波粒,緊係啦..因為可以快啲食完,就可以食手上另一粒棒棒糖嘛(當然佢嘅奸計係唔成功呀)~
Picture

食完糖糖之後,我地又去參加另一個工作坊,就係自製可再生能源工藝品。

依啲咁高難度嘅玩意我當然係唔在行,唯在派出大肥豬去陪小小豬整啦!

睇佢兩父子幾留心聽張SIR講解~
Picture

其實依個模型對小小豬嚟講都真係有啲難度,所以好多細少嘅工序就由大肥豬負責,容易嗰啲就俾小小豬整啦~
PicturePicturePicturePicture

經佢地兩父子合作之後,製成品終於完成啦!只要用強力電筒照吓個太陽能板,個風車就會轉啦~
Picture

之後我地就去睇夏日奇趣表演,其實個表演都幾多唔同種類,有扭汽球、撞撞球,仲有一個魔術師姐姐表現添呀~
PicturePicturePicturePicturePicture

我地真係好留心咁睇表演。小小豬仲睇得不知幾開心,佢最鐘意就係魔術師姐姐,成日都扮姐姐表演變糖糖呀~
PicturePicture

最後一個工作坊就係馳騁四驅車天地,依個可以話係小小豬咁多個工作坊之中最鐘意嘅一個~
Picture

鴨仔哥哥講解完四驅車嘅原理之後,就到我地整啦!工作人員一盒盒咁派俾我地時,我都好擔心要自己砌最部四驅車~
Picture

哈哈哈...原來唔係,我地只需要放上電芯、兩部分嘅大零件同埋車身,所以依啲任務就交俾小小豬負責啦~
PicturePicturePicture

整好晒就可以去放車啦....睇佢幾心急~
Picture

放車時個樣又幾肉緊,因為小小豬好擔心佢部車會飛出路軌呀~
PicturePicture

玩完依個工作坊之後,其實今日科學園為我地安排嘅活動都已經完結,餘下就係我地自由時間。

依個時間亦都係小小豬等左全日嘅活動,就係去玩彈彈床啦~
PicturePicturePicture

開開心心又過左一個下午,其實整個「 探索科學‧趣味坊」都仲有三個小工作坊因為時間關係我地今日玩唔到,好似雜耍、魔術學堂同埋撞撞球,有機會希望可以再帶小小豬入嚟玩過呀!

嚟緊8月10日、8月24日* 及8月31日都會有依個活動,有興趣嘅朋友仔可以入去玩一轉啦!

 

More Information :
Website:http://www.hkstp.org/zh-HK/News-Media-Events/Events-Seminars/2014/Explore-the-FUN-of-Science-%281%29.aspx#.U-ucdqNyy1Y

Facebook:https://www.facebook.com/HongKongSciencePark

沒有留言:

發佈留言