2014年8月2日星期六

皇室堡的醜比頭夏日精靈農莊

28 JULY 2014(MON)

今日我地約左小豬媽去銅鑼灣行街街,我地去皇室堡食午餐時,見到有啲古怪公仔佈置,所以我地又去影一轉啦~
Picture

哈哈哈...原來依個醜比頭係好出名,只係我有眼不識泰山,雖然啲公仔唔太可愛,不過勝在醜樣得嚟又幾攪笑啦~
PicturePicturePicturePicture

PicturePicture
Picture

其實小小豬都唔係太鐘意影依個公仔,可能個樣子唔多吸引啦!不過全場佢最鐘意嘅就係依個場景,佢仲係度扮賣菜,話啲豆豆九蚊七粒,真係俾佢笑C呀~
PicturePicturePicture

影完相我地就去SOGO行街街,因為小豬爸就嚟生日,我地要為佢準備一套靚衫仔,準備係生日嗰日著靚靚嘛!

好順利地好快就買到小豬爸嘅禮物,不過因為行左一段時間,小豬媽都攰攰地,所以就要搵個地方俾小豬媽休息一陣。

原來打算去搵間舒服餐廳俾小豬媽坐吓食少少嘢休息,不過錫孫嘅小豬媽就話想帶小小豬去食雪糕,所以最後我地就去左食Haagen Dazs啦!

原來依家嘅Haagen Dazs Tea Set好抵,一杯雪糕、一件蛋糕再加一杯飲品都只係六十幾蚊呀~
Picture

藍莓雪糕就當然你小小豬嘅,我就食依件朱古力蛋糕啦~
Picture

今日依個下午茶係小豬媽請我地食,雪糕同蛋糕佢都唔食得,所以佢都只係望住我地食~
Picture

不過小豬媽話望住個為食豬食嘢個開心樣,比佢有得食仲開心呀~
PicturePicturePicturePicturePicturePicture

想信今日最開心都一定係小小豬,因為可以食到佢至愛嘅藍莓雪糕嘛!(因為成日想買杯俾小小豬試食,不過都真係好少地方有得買呀)

我都有試食少少,個藍莓雪糕都唔錯,食落有好香嘅莓味,唔怪得小小豬話咁快就食晒球雪糕啦!不過我都係比較欣賞件朱古力蛋糕,好香濃嘅朱古力味但食落一啲都唔甜,好味道呀!

下次有機會都可以考慮再嚟食歎個Tea Set呀! 

沒有留言:

發佈留言