2014年8月21日星期四

迪士尼光影匯-『奇妙處處通』會員簡介會

14 AUGUST 2014(THU)

對於我依個迪迪尼FANS嚟講,今日真係可以話係超級興奮嘅一天,因為抽中左參加 -『奇妙處處通』會員簡介會,可以去香港迪士尼樂園酒店嘅BALL ROOM率先了解夜間巡遊『迪士尼光影匯』~
Picture

唔知係唔係我同迪迪尼活動都冇乜緣份,所以之前好多次嘅奇妙處處通會員活動我都係會因為收唔到電郵而MISS左,又或者係抽籤抽唔中,所以我都係絕少享用到依啲會員福利。

今次依個迪士尼光影匯我都係本著試吓冇壞嘅心態去登記,點知俾我可以抽中左,所以就約同樣係迪迪尼FANS嘅CARMEN一齊去啦~
Picture

一入場就已經收到小禮物~
Picture

未開始進入會場時,大會為我地提供啲小食飲品,等我地邊食邊等~
PicturePicturePicture

哈哈...我唔客氣啦,如果小小豬見到一定勁開心呀~
Picture

等左一陣,可以入場,成個會場真係好GRAND呀~
Picture

不過,一入會場就俾後面一系列精品吸引住,為左配合光影匯同FROZEN,迪士尼設計左一系列精品同餐飲食物,真係勁吸引呀!

FROZEN大熱,啲精品真係好靚。慶幸小小豬係男仔,如果唔係我一定會勁破產呀~PicturePicturePicture

仲有好多款唔同種類嘅餐飲食物,真係靚到唔捨得食呀~
PicturePicturePicturePicturePicturePicturePicturePicturePicturePicturePicturePicturePicture
Picture

由朱薰擔任活動主持~
Picture

之後就由迪士尼樂園度假區娛樂事務及服裝總監DAVID同簡介全新今晚節目。原來除左介紹嘅「迪士尼光影匯」夜間巡遊製作之外,仲預告「迪士尼黑色世界 2014」及迪士尼雪亮聖誕 2014」嘅重點呀~
Picture

首先就當然係介紹「迪士尼光影匯」夜間巡遊~
Picture

巡遊隊伍由7組使用全LED燈嘅花車所組成,大約用左74萬粒獨立LED燈,所以係每架花車都會呈現出唔同嘅光影閃爍效果。「迪士尼光影匯」夜間巡遊有超過80名演藝人員參與演出,製作團隊仲首次運用新式嘅光影技術喺表演服飾上,令到每件表演服飾都有獨立嘅燈光控制系統,而設計師亦將光纖巧妙地縫合喺假髮入面以及製作出光纖眼睫毛,從而提升呢個夜間巡遊獨特嘅一面。

除左介紹製作資料外,當然唔少得花車設計圖,等我地可以率先睇吓啲花車呀(由於開頸以為只係聽介紹,所以我只係帶左部細少傻瓜機,係介紹花車嗰幾張相我影唔到。感謝同場嘅BILLY借出相片,等我可以係度同大家分享)~
PicturePicturePicturePicturePicturePicture

哈哈哈...第七部花車就係米奇及好朋友花車隊伍,不過因為要保持神秘,所以暫時唔知佢地嘅打扮會係點,所以都幾期待呀~
Picture

DAVID仲話係巡遊過程中,可以配合樂園特別推出嘅互動光影商品,當中包含可以喺巡遊入面同巡遊花車變成一致顏色嘅「米妮光影頭飾」以及「米奇光影手套」。另外,仲有一支「米奇光影畫筆」可以改變特定表演者嘅服裝顏色添!我地即場試玩都幾得意,睇嚟到時我又要入手一SET俾小小豬玩啦~
PicturePicturePicture

除此之外,仲可以率先欣賞幾位表演者嘅表演服飾同舞蹈,成個配搭真係好靚,加埋啲強勁音樂,睇完好想快啲到十月一日,咁就可以有得睇「迪士尼光影匯」夜間巡遊~
PicturePicturePicturePicturePicturePicture

介紹完「迪士尼光影匯」之後,就到「迪士尼黑色世界 2014」,將會係10月份嘅逢五、六、日晚上舉行~
Picture

其實大多數活動同上年都係差唔多,仍然都係嗰兩間鬼屋,同有黑色嘉年華『異』演」~
Picture

不過,今年有一個新鮮節目係原野劇場舉行,就係「亞馬遜驚魂」。最令我驚喜就係為左配合劇場演出,迪士尼第一次搵香港藝人參加表演,佢就係陳國邦啦!陳國邦將會扮演探險家Jonas Brisbane同大家分享亞馬遜森林旅程嘅怪事!

其實師奶仔嘅我都幾鐘意睇陳國邦嘅電視劇,所以知道佢有份參加劇場演出,都好期待呀~
PicturePicturePicture

「迪士尼黑色世界 2014」都推出一系列精品,雖然已經唔係JACK做主角,不過係啲飲品食物都可以見到佢呀~
PicturePicturePicturePicturePicture

仲有可愛DUFFY呀~
PicturePicture

最後一PART就係介紹「迪士尼雪亮聖誕 2014」~
Picture

點解一開始就見到小白呢~
Picture

咪就係因為今年雪亮聖誕嘅主角就係FROZEN,成個樂園會以FROZEN為題,唔知會佈置成點呢?真係好期待呀!

真係千呼萬喚始出來,係雪亮聖誕期間ELSA同ANNA都會次現身樂園與大家見面。真係超興奮,其實我都係ELSA FANS,雖然我一向都唔多鐘意同公主影相,不過相信我到時一定要去搵ELSA同ANNA呀~
Picture

另外,係「迪士尼雪亮聖誕 2014」仲會推出ShellieMay精品,有啲仲係獨家商品嚟呀~
Picture

除左聽簡介會之外,迪士尼仲為我地預備個自助晚餐。當然係冇得同翠樂庭比,但食物都算多元化同味道唔錯呀!

不過,我嘅焦點已經唔係啲主餐度,係比佢嘅FROZEN甜品吸引左啦~
PicturePicturePicture

今日真係勁滿足,聽完一個咁精彩嘅簡介會,真係好期待快啲可以入樂感受迪士尼嘅新活動,嚟緊十月至十二月一定要密密入迪士尼先得啦!

沒有留言:

發佈留言