2014年8月22日星期五

暑期足球班結束了

15 AUGUST 2014(FRI)

話說我同小小豬報名參加左暑期足球班,經過左九堂訓練之後(因為其中有一堂3號風球取消),終於嚟到最後一堂啦~
Picture

其實比起初初(請按此),小小豬明顯有一個大進步就係唔再扭眼瞓,每一堂都好精神咁去上堂(當然..間唔中都會見到佢上上吓堂打吹呵啦..哈哈哈)~
PicturePicture

未開始上堂佢地兩父子玩吓先~
PicturePicture

上堂時都好似好專心望住導師哦~
Picture

其實我覺得啲導師都好辛苦,帶住一班四、五歲小朋友,有時佢地又唔合作(當然係有小小豬份啦...唉),所以都幾傷精神。不過我見佢地教嘅時候一啲都唔HEA,都好落力教每一個小朋友,所以都要俾個LIKE導師呀~
Picture

今堂熱身有新攪作,就係玩搶尾巴遊戲~
Picture

依個傻傻的小小豬唔識去搶之餘,仲企定定擺晒POSE等人地嚟搶,真係唔知好嬲定好笑呀~
Picture

今日仲同小朋友一齊比賽,不過小小豬成日都好似一舊雲,要導師教先識去追個波呀~
PicturePicturePicturePicturePicture

雖然上完十堂之後小小豬都仍然係一舊雲咁,見到個波都唔係太識追咁,有時追兩追就放棄企係度,但我覺得比起初時都已經有大進步,起碼叫做識規矩同肯參與,所以我都收貨啦!

其實每一年賽馬會青少年足球發展計劃都會舉辦暑期課程,所以出年我地都會再參加!由於課程實在太受歡迎,我地在場媽媽們都好擔心下年唔可以報名,所以最後導師就教左我地一個方法。

大約五月開始,香港足球總會就會推廣暑期班活動(http://www.hkfa.com/ch/load_page/298),到時我地就可以網上報名。導師話如果我地見網上顯示FULL時,可以照樣下載報名表格,填妥之後連同支票寄俾佢地,只要佢地收到報名表格都可以安排到學位呀!

暑假班嘅結束亦都係另一個課程嘅開始,因為我地已經準備為小小豬報恆常足球班,等佢接觸多啲學多啲,同埋參加多啲團體活動,對小小豬嘅社交發展都會有幫助嘛!

沒有留言:

發佈留言