2014年8月7日星期四

奇妙王國

1 AUGUST 2014(FRI)

早前我係 MyBB.com.hk嘅FB抽中左兩張荒原創作嘅《奇妙王國》音樂劇,所以今早我又同小小豬拍拖去睇音樂劇啦~
Picture

其實小小豬都已經係第三次去睇音樂劇,第一次就係去睇啲小朋友唱歌跳舞(請按此),可能小朋友都係表演緊小小豬成日唱嘅兒歌,所以小小豬都睇得非常投入。

第二次就係去睇睇兒童音樂劇(請按此),有大肥豬之前嘅講故圖書打打底,加上表演者係扮演為小動物,所以小小豬都係順利好專心地睇晒全場。

到左今次,事前冇個故事嘅打底,加上啲歌小小豬之前都係未聽過,所以都曾經有一刻擔心小小豬可唔可以好安定嘅睇足全場。不過,自古成功在嘗試,所以我都唔理咁多,帶小小豬去睇~
Picture

原來今日依套係一個福音舞台劇嚟呀~
Picture
Picture

兩個靚靚花籃呀~
Picture

在場有個主角嘅公仔擺設,都幾得意呀!不過就只限佈置,唔可以買到,所以就借嚟影相留念啦~
Picture

時間剛剛好,嚟到等左一陣就可以入場啦~
Picture

小小豬又嚟扮型仔,睇吓本場刊先~
PicturePicture

成套劇都真係唔錯,啲演員都好落力,帶出做人要有愛心、盼望同信心,遇到錯折都唔好放棄,只要心存信念,一定去到大家心目中嘅奇妙王國~
Picture

雖然小小豬都算睇得投入,仲識講問主角幾時先見到奇妙王子,不過由於轉換場景時,成個劇院就會轉晒黑。一向唔多怕黑嘅小小豬竟然會驚起來,所以每一次換場景佢都會孩埋嚟攬住我,攪到我件衫都俾佢整爛左,都真係唔知好嬲定好笑啦!

不過,係散場同演員影相時,有一個小插曲,令我都真係勁嬲!(我一向都好少講啲咁負能量嘅事,可知我當時係幾嬲呢!)

事緣結尾演員會出嚟同觀眾拍照留念時,,我就好有秩序地依照工作人員指示去排隊,正當我排到一半時,有一位贊助商嘅工作人員,好不客氣咁(仲掂住我隻手),話我唔係佢地團隊嘅人,所以唔可以依家影相,要等佢地帶嚟嗰100位觀眾影完先到我地,叫我即刻離開排隊位。

當時我後面都只係有大約十數人,都唔知佢地啲100位觀眾係邊?

其實唔影相我都冇所謂,不過嗰那位女仕那麼不有善,係唔係贊助商就大晒呢?我都真係好嬲,所以即刻搵大會工作人員協助。

好在...大會負責人完全唔理佢係唔係贊助商,都同佢地講每個人想影都係要依序排隊,所以最後我同其他觀眾都可以排隊同劇中主角影相留念啦~
Picture

真係要俾個LIKE大會工作人員先得呀!

PS:由於我當時嬲嬲地,所以我即時係Facebook打文發洩一吓,發洩完都冇事。可能贊助商睇到我係FB發洩文,所以留言同我講唔好意思!其實我都幾驚訝,因為我都冇TAG佢地,點解佢地會睇到呢?不過唔理啦,我都好欣賞佢地即時作出嘅回應,希望佢地可以留意吓,唔好再發生依啲事啦!

 

沒有留言:

發佈留言