2014年8月8日星期五

維多利亞公園

2 AUGUST 2014(SAT)

維園依個公園嘅名真係可以話成日都聽住,嚟玩又真係好似未試過,今日係突如其來之下,三口子嚟行一轉,原來維多利亞公園都係一個唔錯嘅放電好地方嚟呀~
Picture

大肥豬見今日我地都冇乜特別節目,所以提意去天后為小小豬購買K2嘅課本,可以趁剩餘嘅暑假日子係屋企先同小小豬預溫一吓課本。等佢唔好玩到心散之餘,亦都可以等小小豬對K2嘅課本有少少概念。

原來依家幼稚園嘅課本都唔平,依度都只係上學期所用嘅課本,咁就已經要六百幾蚊,真係.....唉~
Picture

我地約左小豬媽食晚餐,見未夠鐘,當然要搵啲地方俾小小豬放一放電。望見書店對面就係維園,所以我地就決定入去行一轉啦!

坦白講,我對上一次係維園行嘅時候(唔計工展會嗰啲大型活動),都應該係回想返我中學時代同一班同學參加完城市論壇之後,都真係有N年冇係入面行過啦!

我地三口子踏入維園時,就俾依個大草地吸引住,見個太陽都唔算猛烈,所以就向大草地進發,等小小豬跳跳跑跑啦~
Picture
PicturePicturePicture

哈哈...好在我去街背包時刻都帶住啲小汽球以備不時之需,一個咁大嘅草地最啱就係玩汽球啦~
PicturePicturePicture
PicturePicturePicture

睇佢地兩父子俾草地上玩得幾開心~
PicturePicturePicturePicture

係個大草地入面都跑左大半個鐘,之後我地就轉戰另一個放電好地方,當然就係公園內小朋友最鐘意嘅設施。小小豬當然唔例外,係入面不停玩啦~
PicturePicturePicturePicturePicturePicture
Picture

公園內仲有一個跳飛機,又嚟跳跳跳啦~
PicturePicture

仲有一個小石池,其實我地都唔知個小石池有什麼作用,不過大肥豬見當時池內沒有其他小朋友,所以就同小小豬玩一陣拋石頭啦~
PicturePicturePicture

除左小小豬玩嗰個地方之外,係附近仲有一個大型啲嘅兒童設施,不過因為到左我地約小豬媽嘅時間,所以冇去玩,下次有機會一定要玩埋嗰個呀! 

真係估唔到簡簡單單嘅維園,都可以俾我地消磨左兩個幾鐘。其實維園真係一個唔錯嘅地方,有兒童玩樂設施,又有一個小食部,玩到攰可以食少少嘢休息一陣再玩過,仲我最鐘意就係佢個大草地,所以下次機會可以再帶小小豬嚟放電呀!

沒有留言:

發佈留言