2014年8月5日星期二

Glacio 雪糕試食會

30 JULY 2014(WED)

好耐都冇同好姊妹糖糖去街街,今日我地一齊去參加 Try it 試食活動,一次過食左六款唔同口味嘅Glacio雪糕,今次真係肥C啦, 不過啲雪糕又真係好好味呢~
Picture

我絕對係一個為食的人,尤其係夏天雪糕真係不可以缺少嘅甜品,雖然明知道係會肥,不過見到啲雪糕又真係好難忍口,所以我對今次依個雪糕試食會都十分期待呀!

Glacio於2013年係香港K11商場裡開了第一家亦都係唯一的店~
PicturePicturePicturePicturePicture
Picture

我地今次依個試食會就係K11商場大堂內短期攤檔內舉行~
Picture
Picture

Glacio的商標以蜂鳥為主角,蜂鳥係一種擇食的動物,只會吃上等的花蜜,所以Glacio所推出嘅各款雪糕都好似蜂鳥一樣,為大家採集上等的材料製成優質的雪糕。 Glacio雪糕所選用嘅牛奶係來自荷蘭,當地所有牛奶製品都不含人工激素rBGH的,可以話係健康嘅保證。此外,採用脫脂奶的關係,奶味不是很濃,雪糕本身也不會很甜,但口感依然非常幼滑~
Picture

我地聽完負責人為我地講解Glacio歷史背景之後,就到我全晚最重要環節,就係開始試食啦!

雲呢嗱雪糕 – 第一次食雲呢嗱雪糕唔係全白色,雪糕裡的黑點是雲呢嗱籽,顏色亦偏向米白色,其實係因為沒有經過大工香料加工,依個就係雲呢嗱原始的味道嚟呀! 我一向都唔太喜歡食雲呢嗱雪糕,但依個我就覺得個甜度和牛奶比例都適中,所以都算唔錯呀~
Picture

抹茶雪糕 – 抹茶味非常濃厚,但食落唔會感覺到綠茶的苦澀味,茶奶比例調較得剛剛好呀~
Picture

雙重鳳梨味雪糕 – 其實香港很少地方會有菠蘿雪糕,加上好多菠蘿副食品都係唔好食,所以開頭我都好有疑問點解負責人會推介俾我地,不過當入口時就完全明白。因為雪糕內還混合了乳酪,再加上菠蘿碎粒,即時令口感有唔同變化,而且帶有微酸,所以味道都覺得非常清新係全晚令我最驚喜的,簡直要大力推介呀~
Picture

草莓雪葩 – 其實我都幾鐘意食草莓類雪糕/雪葩,但今次依個就好似感覺怪怪的,個味道不太像草莓,我覺得比較似山渣,而且酸度都比較重哦~
Picture

椰子雪葩 – 依款雪糕可以話係Glacio最有名氣的款式,因為就連麥當娜都非常喜愛,當她還在莫斯科表演時,要找人專程把雪糕從比利時運送到她,聽落真係好利害呀!

這個椰子雪葩很幼滑,質地都好輕,感覺就好似雪一樣入口即融。好濃烈既椰子味,但又唔會太甜,係我是日另一推介嚟呀~
Picture

比利時朱古力雪糕 – 最後一款當然係佢地皇牌嚟啦! Glacio再加上來自比利的朱古力,雖然顏色看似好濃烈,但入口個甜度係剛剛好,加上牛奶所佔的比例較忌廉重,所以不會令人感覺好滯~
Picture

坦白講,未參加今次試食會前,我都未聽過Glacio雪糕店,今日最令我驚喜嘅就係食完六杯雪糕之後,我喉嚨一啲都唔會覺得好似”甜爺爺”咁唔舒服,仲要我地唔洗點飲水都唔會覺得口渴,同我之前食雪糕有好大分別呀!

不過唯一就係佢地只得一間店鋪,所以想食的話一定要再嚟K11先可以食到呀!希望嚟緊佢地可以開多幾間分店,最好就可以有埋堂坐嘅,咁就唔洗行咁遠都可以舒舒服服食到好味雪糕啦!

 

More Information :
Facebook:https://www.facebook.com/glaciohk

沒有留言:

發佈留言