2014年8月18日星期一

試用:PhoenixPlux - Care.+ 防藍光電話螢幕保護貼

13 AUGUST 2014(WED)

謝謝SHE.COM及Phoenix.Plux的安排,等我有機會試用Care.+ 防藍光電話螢幕保護貼~
Picture

依家無論係等車、餐廳等位,甚至係屋企,我地都總係手機不離手(我承認..我都係其中一份子),用嚟上網、睇韓劇、打遊戲機…等等,眼睛都好容易疲勞呀!

原來係因為手機螢幕所散發出的光線中,有藍光會容易使人眼睛疲勞及澀痛。藍光是可視光中能量最強的光線,不可被角膜吸收,直達網膜,長時間受藍光照射,可能會刺激使瞳孔縮小的瞳孔括約肌,而造成眼睛疲勞或乾眼症。而且藍光會阻止身體製造“褪黑激素”,即係直接影響睡眼質素,亦會損害視力。

PhoenixPlux 最新推出嘅防藍光電話螢幕保護貼,利用日本科研先進技術,以最真實及自然色調光譜,讓我地有最佳視覺效果,此外,可以有效阻擋由螢光幕釋出27%藍光,好好保險雙眼。保護貼亦可以防刮花、防化妝品及防指紋,讓螢幕可以清晰持久耐用啲~
PicturePicture

依照圖示就可以好簡單貼好個螢幕保護貼呀~
Picture

一打開個包裝,除左有螢幕保護貼之後,還內附上一塊布及刮片~
Picture

雖然看似好簡單,不過一向依啲小手作我都係唔在行,所以就誠邀大肥豬幫我貼,見他都只係用左幾分鐘就可以輕易貼好啦~
PicturePicture

話咁快就完成,可以用得啦~Picture

電話螢幕保護貼比一般的比較厚身,不過就完全唔會影響使用時嘅任何,相比之下仲覺得個色調好自然,眼鏡望住手機都好舒服。此外,就係就算係點摸,都唔會有手指紋呀~
Picture

我平日都有一個唔太好嘅習慣,就係每晚陪小小豬瞓覺時,亦都會係床邊陪訓時都係間唔中利用手機上網。一嚟就係想爭取時間,想利用嗰一段時間睇吓FB朋友仔嘅UPDATE。另一方面,就係為免係陪訓期間,連自己都瞓著左,咁我就冇晒啲私人時間啦!

其實我都知咁唔好,因為手機的强光於黑夜中都特別刺眼。就算我已經將螢幕調教到最暗,不過時間一長,眼睛就係好唔舒服,有時仲會有少少疼痛同流眼水嘅情況出現添!(依個真係一個唔好嘅習慣,大家千其唔好學我呀!)

雖然我已經開始慢慢戒除依個壞習慣,不過為左試吓個保護貼嘅效果,我就冒住俾大肥豬罵嘅情況吓,係黑夜中用手機上網啦!

貼上防藍光電話螢幕保護貼後,就算我沒有將手機調教到最暗時,眼睛望落都唔會感覺到好大嘅強光,即時感覺舒服多,用得耐眼睛都唔有刺眼感覺,應該係保護貼的作用吧。(當然,我亦都唔會因為依個原因繼續於黑夜使用手機,始終於黑夜中用手機唔多唔少睇眼睛都有一定傷害,加上我都年紀都開始大,要學懂好好保護靈魂之窗嘛!)

初步試用我都覺得個效果係唔差,我用左一星期左右,不過係依個星期明顯我眼攰同流眼水嘅情況係少左啲啲,應該係防藍光電話螢幕保護貼起的作用吧!

 

More Information :
Website:www.phoenixplux.com
Facebook:https://www.facebook.com/phoenixplux?fref=ts

沒有留言:

發佈留言