2014年8月25日星期一

Purple小精靈音樂劇試堂

17 AUGUST 2014(SUN)

自從上次我地去新城參與"爸爸媽媽你好嗎?"訪問之後(請按此),今日我地又有機會見到PURPLE姐姐啦!

因為我地應PURPLE姐姐邀請,嚟參加PURPLE小精靈音樂劇試堂呀~
Picture

今日嘅課堂就係八月先開幕嘅 iSQUARE Play House E Cube Club舉行~
Picture

嚟到PLAYHOUSE小小豬當然係極度興奮,不過我地係冇得玩住,要上完音樂堂先可以有得玩呀~
Picture

我地時間剛剛好,嚟到就開始上堂啦!首先就係由PURPLE姐姐同另一位導師(唔好意思...我唔記得左哥哥個名添)同我地講解音樂劇班嘅上堂程度同好處。

原來音樂劇班除左訓練小朋友唱歌跳舞同社交之外,仲可以啟發小朋友嘅思考、想象力同創意呀~
Picture

課堂就係PLAYHOUSE入面一間PARTY ROOM進行,原來依個試堂係小朋友自己上,所有小朋友都乖乖坐定定呀~
Picture

除左PURPLE姐姐同導師哥哥之外,房入面都有好幾位工作人員協助,所以都係安全放心。

當我知道係小朋友自己上嘅時候,我就係安心,因為依個小小豬平日都係好痴身,見到大肥豬在場痴身程度簡直係DOUBLE-UP,所以佢自己一個上堂都係一件好事。

雖然我就好安心,不過大肥豬就好擔心,因為PARTY ROOM入面係完全搵唔到位望入去佢地上堂情況,大肥豬好驚小小豬係入面攪事,總之就係小朋友上堂大約45分鐘內都好不安啦!

其他又有咩好擔心,平日小小豬上堂都係佢自己一個啦,可能係佢平日少帶小小豬返學,所以先有依個感覺,我就經過左兩年幾嘅訓練,已經習慣晒啦...哈哈哈!

雖然我地家長冇得一齊上堂,不過在場都有職員為我地拍攝小朋友上堂情況,小小豬都好似有留心上堂,有跟住做動作哦~
PicturePicturePicture

上堂最尾一段,就係請家長入去PARTY ROOM睇小朋友嘅表演,睇吓佢地頭先學左啲咩。

坦白講,我自己知道小小豬係性格,佢係一個觀察型小朋友,冇十足把握佢都係唔會去做,所以短短一節上堂時間,我都估佢唔會跳企定定。

不過,今次又真係估佢唔到,佢又肯同小朋友一齊跳,仲係會跟住啲音樂跳得好似有板有眼~
PicturePicturePicturePicturePicturePicture

今次真係俾小小豬嘅行徑嚇左一跳(我指係開心到嚇親嗰種),小小豬大個仔啦!

課堂最後就由PURPLE姐姐同導師哥哥講解返小朋友上堂嘅情況,佢地兩位都覺得小小豬嘅音樂感好強,好快就會跟得到啲節拍,又好鐘意玩樂器(因為係課堂內小小豬見到個搖鼓之後,寧願唔要份小禮物,都想要個搖鼓玩呀!),叫我留意多啲佢依方面加以訓練,應該都會有所作為~
PicturePicture

當然有乖亦都有百厭之時,依個小小豬初時都唔太投入,見到後面啲積木又要拎嚟玩,係到玩樂器時先開始進入狀態。上堂時又成日問職員哥哥幾時落堂,緊係啦....知道落堂就可以出去個大PLAYHOUSE玩嘛,真係俾依個爛玩豬激C呀!

我地之後問返小小豬,佢都話上堂係好開心,返到屋企都仲NON-STOP咁係度唱上堂教嗰幾首歌仔添。

 

More information :

紫昕有你小天地
Facebook:https://www.facebook.com/purple.musicland

PLAYHOUSE
Facebook:https://www.facebook.com/playhousehongkong

沒有留言:

發佈留言