2014年9月30日星期二

試用:愛家仕™防蟎枕頭套

28 SEPTEMBER 2014(SUN)

多謝公關姐姐邀請,我地一家可以試用愛家仕™防蟎枕頭套,睇吓個小小豬見到個新枕頭幾開心(哈哈...個傻豬仔見個枕頭唔同左就以為係新啦)~
Picture

老實講,自小小豬六個多月嘅時候開始起濕疹之後,我地都有諗過買啲防塵蟎嘅寢具俾小小豬,希望可以減輕佢濕疹嘅情況。

不過當時我地又唔識,去到百貨公司見到又有好多唔同牌子,有平又有貴,個價錢相差都真係幾大,所以係我地唔識買嘅情況下,最後我地都係打消左依個念頭。

所以今次公關姐姐問我有冇興趣時,我都即刻答應。唔止小小豬,就連我同大肥豬都係非常啱用,因為我地兩個都係鼻敏感人仕嘛~
Picture

試用前當然要了解多啲先,尤其係我俾小小豬用嘅,一定要更加小心嘛!

原來防蟎寢具有兩大類,化學防蟎和物理防蟎。前者利用化學劑拘趕塵蟎,但使用者皮膚會與化學物長時間接觸;後者以材料把塵蟎敏感原分隔開。塵蟎的排泄物為水溶性,用55˚C水溫清洗,就可以把塵蟎殺掉,而且把敏感原洗掉呀!

而愛家仕™ 防蟎寢具選用寢具就係選用美國專利技術 #6,277,770精密織布,透氣孔徑平均小於6微米有效阻隔塵蟎及其敏感原。物理性能防蟎,無添加化學劑擁有Oeko-Tex® Standrad 100認証。

織布由超細纖絲編織而成,具高透氣性能,不會有漲起感覺,轉側時也不會有噪音,柔軟舒適。透濕、排汗、乾爽舒服,不會有局促和悶熱感覺。此外,聚酯長纖,結構耐用。可用60℃高溫洗滌,殺死塵蟎,洗掉敏感原~
Picture
Picture

打開個枕頭套,摸上手感覺布料都厚身,但個質感都好順滑,感覺都好舒服呀~
Picture

只要把愛家仕™ 防蟎枕頭套直接套在枕芯上,把拉鏈拉至盡頭密封就完成啦~
Picture

我地係用開係"S"字頭嘅枕頭,內有一個枕芯套的,不過由於我個枕芯套剛剛拎左去洗,所以今次就需要連埋個新枕頭袋一齊放入防蟎枕頭套內。等下次洗好左之後,就可以只放枕芯入內啦~
PicturePicture

我地三口子試用左大約一星期,暫時係小小豬身上就未見有明顯嘅成效,不過啲濕疹就冇加重到。但佢就好鐘意依個新枕頭,話白雪雪好靚好舒服哦(真係俾佢笑C)~
PicturePicture

不過係我身上就初見成績,因為我每朝起床都一定例必打一輪乞嗤先可以落床,但依個星期明顯啲乞嗤次數有減少,希望KEEP住用就可以唔洗再朝朝包雲吞啦!

整時愛家仕™防蟎寢具只可以係網上購買,如果大家有興趣可以去佢地網址睇吓,因為除左枕頭套之外,仲有其他寢具用品可以購買。

 

More Information :
Website:http://aegisabb.com/
Facebook:
https://www.facebook.com/AegisABB
Youtube Advertorial: https://www.youtube.com/watch?v=PRQ28pIJO5A&list=UUDUNB034g-nNElS_0I0iYfg

2014年9月29日星期一

MY MASTER ?

27 SEPTEMBER 2014(SAT)

早前見ILLUMA FACEBOOK有一個Eden 種植體驗遊戲,只要完登記之後,就會得到限量嘅個人化盆栽。

我依個師奶仔見有著數當然唔執輸玩埋一份,等左都有幾個月,終於今日收到盆栽啦~
Picture

仲包埋一個靚靚鏟仔~
Picture

仲有埋啲泥同種子添~
Picture

我覺得最特別都有個小牌,有小小豬張相係上面,原來個人化就係指依個相片牌。雖然都好特別,但如果張相可以印得清啲,咁就仲正呀(免費嘢就唔好要求咁多啦...哈哈哈)~
Picture

依家有材料齊備,等我搵日同小小豬一齊種蕃茄先得!

當然...我今日嘅分享主角唔係依個小盆栽,係要同大家分享吓係我收件嗰一個過程。當我同大肥豬講返時,佢可以足足笑成五分鐘,仲叫我一定要寫BLOG記錄一吓。

好啦...既然係一件好笑事,我當然好樂意同大家分享,希望為大家帶來丁點快樂。

小盆栽係由速遞公司直接送上我地屋企,所以當我收到速遞叔叔打嚟時,我都留左係屋企等收件。

因為當時小小豬因為唔舒服瞓左,為免速遞叔叔送嘢嚟時會嘈醒小小豬,所以我都係客廳等。當我聽到門鐘時,即刻以最快速度開門收件,點知一打開門速遞叔叔就話:你係唔係幫你MASTER收件呀?你識簽名嗎?

嘩.....聽到嗰一吓內心真係無名火起,雖然我係屋企係著得比較隨便,不過點睇都唔似工人姐姐呀!雖然係嬲嬲地,不過我都係笑住同速遞叔叔講:份禮物嘅收件人係寫我名,麻煩你送上嚟俾我呀!

之後,速遞叔叔就全層笑笑口咁同我交收,不過佢嘅笑容都有少少尷尬囉...哈哈哈!

阿Q啲咁諗,其實速遞叔叔又真係冇講錯,因為我嘅MASTER咪就係盆栽嘅小主角 - 小小豬,我又真係幫緊佢簽收哦,所以呢.....都係得啖笑啦!

不過,依個攪事嘅大肥豬叫我之後係屋企都要著好啲,咁就唔會有同類事情發生哦......真係俾佢激C呀!

2014年9月28日星期日

芝士烤薯角

27 SEPTEMBER 2014(SAT)

今日下午係屋企冇乜嘢做,口痕痕咁想整啲嘢食,搵吓屋企啲材料,所以我地就嚟親子廚房整芝士烤薯角,好味到小小豬話有兩個GOOD呀~
Picture

只需要依四樣材料,真係好簡單~
Picture

首先洗乾淨粒薯仔,由於一陣係會連皮一齊食,所以一定要擦乾淨啲呀!

然後就可以切粒粒啦~
Picture

切嘅時候盡量都唔好太大舊,如果唔係就比較難熟啦~
Picture

之後就加入適量嘅椒鹽,盡量令到每粒小薯角都有椒鹽係上面呀~
Picture

加少少牛油再攪拌一吓~
Picture

最後一個步驟就係放芝士,由於我屋企只有片片裝芝士,所以就需要整碎佢平均咁放係啲薯角上面~
PicturePicture

可以放入光波爐,以200度光波20分鐘~
Picture

為食豬等食等得幾心急~
Picture

哈哈哈...小小豬洗完白白之後,就係出爐之時啦~
Picture

睇吓個為食豬食得幾滋味兼肉緊...哈哈哈~
PicturePicturePicturePicture

其實依個烤薯角都可以有好多整法,可以因應個人口味嚟加入唔同嘅調味,好似可以加啲蜜糖、黑胡椒、蒜鹽、香草....等等,咁就可以成為自已最愛嘅好味下午茶啦!

2014年9月27日星期六

愛吃洋葱的傻豬仔

26 SEPTEMBER 2014(FRI)

最近我又發現左依個怪怪嘅小小豬有一個新愛好,就係非常愛吃洋葱,睇佢真係食得好滋味咁呀~
Picture

可能係我唔鐘意食洋葱關係,所以我都好少煮,但點解小小豬又會愛上呢?

哈哈...咪就係因為有一次我地去左吉野家食晚餐,叫左一碗牛肉飯俾小小豬食,佢竟然完全冇抗拒啲洋葱,仲同我地講話好好味,自此就愛上左。

我今日問佢想食咩時,佢就話想食洋葱牛肉飯。既然佢咁鐘意又咁主動,所以就今日午餐煮俾小小豬食啦!

望到碟洋葱多過牛肉嘅餸,小小豬都已經好驚喜啦~
Picture

睇佢食得幾狼C~
Picture

佢真係好鐘意食,睇佢食到最後一塊都唔放過就知啦~
Picture

依個小小豬又真係一個怪小朋友,既之前鐘意食中成藥多過西藥之後,今次又嚟鐘意食洋蔥。

平時叫佢食啲菜都好難,如果唔係切得碎碎咁混入埋啲飯度,佢都唔肯食呀!

其實啲洋蔥味又真係怪怪,唔好話我,就算好多小朋友都唔鐘意食,真係唔明白點解小小豬會咁鐘意食。

不過洋蔥都係啲有益嘅食物,既然小小豬又鐘意食,所以食多啲都冇壞呀!

2014年9月26日星期五

蘋果雪梨茶

26 SEPTEMBER 2014(FRI)

一過左中秋節,就即係開始踏入秋季,所以最近啲天氣都開始乾燥,所以又係時侯要煲啲清熱滋潤嘅涼茶,所以今日就雪梨蘋果茶啦~
Picture

材料非常簡單,只需要以下四樣(蘋果三個、雪梨四個、蜜棗五粒、少許南北杏)~
Picture

蘋果方面最好就買蛇果,因為富士蘋果煲出嚟會再有少少酸味呀!

將蘋果及雪梨切開四份洗淨再去芯~
Picture

煲滾水後放蘋果雪梨~
Picture

然後加入蜜棗及南北杏~
Picture

之後再煮45分鐘再焗15分鐘~
Picture

咁就完成啦~
Picture

放涼後就可以入樽~
Picture

之後就放入雪到,咁就可以隨時都可以飲既健康又好味嘅飲品啦!

2014年9月25日星期四

第一次尿床

23 SEPTEMBER 2014(TUE)

小小豬經過都有半年嘅戒夜片時間,終於都有第一次尿床。不過戒片咁耐先嚟第一次,我都已經覺得小小豬好叻仔啦~
Picture

自係四月時同大家分享過究竟幾時幫小小豬唔著片片瞓覺時(請按此),我同大肥豬都覺得係時候開始進行依個戒片大行動,所以亦由嗰時開始,我地都冇同小小豬著片片瞓。

坦白講,雖然我都買左好多防水床罩以備不時之需,但都總係好擔心佢成日都尿床,咁我又要日日換床單.....即係驚左。不過隨著依半年來小小豬都好叻仔,都未試過尿床,所以我都好放心。

其實以小小豬四歲仔嚟講,可以咁順利戒到片片,今次都只係一次失手,所以都係可以原諒呀!

雖然今日係發生左尿床事件,不過我一啲都冇唔開心,仲覺得好攪笑,攪笑係因為小小豬同我嘅對話,亦都係因為我地嘅對話令我覺得小小豬真係大個仔,唔再係BB,因為識得口花花逗我啦,所以我都唔可以唔出返篇文嚟記錄下。

 

小小豬:唔好摸啦!(因為一起身我覺得唔對路,係度摸緊佢條褲仔)
我:仲乜唔摸得呀!
小小豬:(好老積兼有啲自信MODE)係...我唔小心...我唔係專登呀....我癩左尿尿,我下次唔會呀,我咁愛你,俾次機會我啦,下次我一定會做好啦!
我:咁好啦...既然你知道唔啱,咁我原諒你一次啦,下次再
癩尿尿,我會唔開心呀!
小小豬:(高八度兼成個人抱住你)得...我唔會再
癩尿尿,因為我係四歲哥哥嚟嘛!

 

其實有時對住小小豬都真係唔知好嬲定好笑,唔知佢係邊度識得講埋啲逗你嘅說話,當聽到佢話我咁愛你、我錫晒你...等依啲冧C人說話,又或者失驚冇神走過嚟攬實你,真係即刻心都軟晒,所以話佢係人仔細細,都真係好識睇人微頭眼額。

不過另一方面我又覺得小小豬係自信心方面又真係大左,比著以前佢做錯事,佢嘅做法只係會躲係你後面,蚊子聲咁唔知講咩嘢咁逃避你問題。

我都曾經幻想過小小豬第一次尿床時個樣,今次真係同我想像嘅係完全唔同,小小豬既大膽回應佢尿床,又可以有自信話下次唔會,所以都係一大進步呀!

做媽咪最開心就係睇到自己小朋友不斷有進步,雖然好多小朋友可能比小小豬仲叻仔,一早就戒晒片,所以對佢地嚟講尿床都係一件小事。不過對我同小小豬嚟講就係一次進步嘅表現,希望小小豬可以繼續努力,係各方面都不斷有進步啦!

2014年9月24日星期三

Yummy Yummy Ice-Cream

21 SEPTEMBER 2014(SUN)

為食嘅小小豬今日又有新嘢食,睇佢個樣食得幾得戚~
Picture

早前係朋友嘅FACEBOOK見到佢係美食展買左一款好得意嘅MINI甜筒,見佢個囡囡食得咁滋味,我都好想買俾小小豬食呀!

不過嗰時我又冇機會入美食展,所以一直都冇機會買到,估唔到今日路過OK便利店竟然俾我見到,仲做緊特價,所以即刻買返盒俾小小豬食啦~
Picture

睇吓小小豬幾心急,見我影相時想走過嚟偷食呀~
PicturePicture

一盒有六個,三款味道~
Picture

依個MINI甜筒又真係做得幾似,好得意呀~
PicturePicturePicture

因為小小豬唔食得朱古力關係,所以佢只可以食雲呢那味,不過唔理係咩味,總之有雪糕食佢就最開心啦~
PicturePicturePicture

哈哈哈...除左得意之外,個味道都唔錯,個雪糕好滑,不過個甜筒我地食就好似覺得淋左啲啲,如果可以實返少少就應該仲好食呀!

依家知道有邊度有依款MINI甜筒,下次小小豬乖乖時又可以買嚟獎勵佢啦!