2014年9月8日星期一

BIOTHERM - Jeffery Koo甜品工作坊 X 藍鑽新品體驗

30 AUGUST 2014(SAT)

原本相約左好朋友一齊入迪迪尼玩一轉,不過大肥豬因為臨時有事,所以節目就告消了。
開頭仲以為要留係屋企同小小豬悶悶的過一日,不過因為朋友仔GLORIA抽中左 Biotherm舉行嘅Jeffery Koo甜品工作坊 X 藍鑽新品體驗活動,所以就約埋糖糖一齊猛車邊去玩啦~
Picture

有得去玩就當然開心,不過最興奮就係可以去跟Jeffery Koo學整甜品。之前都有係電視睇過佢整嘅甜品真係超靚,估唔到有機會落手落腳整埋一份添呀~
Picture

今個活動係Biotherm舉辦,當然係唔少得佢地嘅產品啦!除左有一系列藍鑽緊緻修護力量俾我地試用之外~
Picture

當然唔少得主角全新藍鑽緊緻雙重修護精華~
Picture

同埋BLUE SMART智能皮膚分析,其實我地都好想試吓依部儀器,想了解一吓自己嘅皮革,不過因為在場嘅職員未有時候為我地做,所以冇得試,真係有啲可惜添~
Picture

活動開始前就先由主持為我地介紹一吓Jeffery Koo~
Picture

之後我地就開始整蛋糕,其實我地都唔算係整蛋糕,只係跟古師傅整啲朱古力同糖花佈置個小CUPCAKE~
Picture

Picture

古師傅先教我地整朱古力片~
Picture

睇完示範就到我地啦~
Picture

哈哈哈...睇吓我地吱得幾專心~
Picture

其實我都真係唔知自己想吱左啲咩出嚟,亂吱一通咁,不過都算合格啦~
Picture

等啲朱古力片乾嘅時候,古師傅就示範整個朱古力蛋糕啦~
PicturePicturePicture

由於時間關係,古師傅就成為我地先預備左有內涵嘅朱古力蛋糕啦~
Picture

到左最緊張嘅步驟(其實係我緊張,因為我嘅手作仔真係幾差呀),就係用用糖膠猜玫瑰花啦!睇古師傅三兩吓就整到朵好靚嘅花啦~
PicturePicturePicture

我呢?當然係好困難之下完成左啦!其實係因為整啲玫瑰花片係唔可以大力,我頭嗰幾次都係大力咁推,所以最後又要重新嚟過。

哈哈哈...我嘅四朵玫瑰花都叫做見得吓人啦!個BEAR BEAR係我威迫糖糖俾我呀~
Picture

一切準備好晒,就可以大合體啦~
Picture

經我努力之下,我嘅靚靚CUPCAKE終於完成,驟眼睇都叫幾靚,呃得吓人啦~
PicturePicture

整完CUPCAKE,古師傅仲為我地準備左好味蛋糕同花茶呀~
Picture
Picture

就係我地食緊好味蛋糕嘅時候,Biotherm負責人就係我地介紹全新藍鑽緊緻雙重修護精華~
PicturePicturePicturePicturePicture

佢仲教左我地一個小秘坊,就係用一BUMP藍鑽緊緻雙重修護精華加三BUMP藍鑽緊緻乳液塗面作為日常護理~
Picture

一聽到個小秘坊,我地在場所有女仕都即刻嘗試啦~
Picture

可以只係試用於手上,所以份量就覺得比較多左啲啲,不過相信用係面上,依個份量應該係剛剛好。

將兩個MIX埋之間,輕輕推開,然後以打八字方式按摩一陣,明顯係覺得手背即時滋滑左,同光滑左,而且一啲都唔覺得笠添~
Picture

開開心心又玩左一個下午,我當然有拎個靚靚CUPCAKE返屋企食啦,因為係朱古力關係,小小豬就試唔到啦!大肥豬就只係講過個內涵朱古力蛋糕好好食,不過個裝飾就..........,真係激C我啦!

沒有留言:

發佈留言