2014年9月11日星期四

兒童故事時間

6 SEPTEMBER 2014(SAT)

唔係大肥豬帶我地去,我都唔知道原來公共圖書館每星期都有兒童故事時間,既有得聽故事,又有得小手工,所以我地就帶左小小豬去玩啦~
Picture

大肥豬話其實公共圖書館一向都有依個兒童故事時間,會有位姐姐同小朋友一齊講故事。不過之前一向我地都冇留意,佢就因為有一次路過見到,見個活動好似幾好玩,所以就打算帶小小豬去,既可以聽故事,又可以同多啲小朋友一齊玩啦!

不過,活動名額有限,所以要一早去圖書館拎籌。依個重任當然要交俾大肥豬啦~
Picture

活動地點就係圖書館內嘅活動室~
PicturePicture

哈哈哈...我偷偷地望入去,個環境都唔錯哦~
Picture

原來依個兒童故事時間就係小朋友自己入去,同故事姐姐仲有一名工作人員係活動室入面聽故事玩遊戲,家長就係外面等。

始終都係第一次參加依啲活動,所以我同大肥豬係活動室外都有少少擔心,唔知小小豬係入面玩成點。

活動結束啦,小小豬第一個反應就話玩得好開心,仲即刻俾佢個手工我地睇添~
Picture

之後見故事姐姐有時間,就問吓佢小小豬係入面個情況係點啦。好在姐姐都話小小豬係入面冇攪攪陣,仲好專心咁聽佢講故事,仲話佢表現唔錯添。當然,最開心嗰個一定係大肥豬,因為係小小豬入去玩嗰一小時佢就緊張一小時嘛!

既然小小豬咁鐘意,既有得聽故事,又可以同其他小朋友一齊玩,最好就費用全免,所以大肥豬都話嚟緊都會帶小小豬嚟多啲呀!

唔止依間圖書館,其實每一間圖書館都有同類型嘅兒童故事時間,不過時間就可以會唔同。如果大家有興趣,都可以問一問你附近嘅圖書館,如果時間啱的話都可以帶小朋友去聽故事玩吓呀!

沒有留言:

發佈留言