2014年9月12日星期五

小小豬變身足球小將

6 SEPTEMBER 2014(SAT)

當暑期足球班結束之後,我地都打算同小小豬繼續參加足球班活動,等佢可以玩多啲,學多啲嘛!

終於等到今日又嚟開始學踢波,又可以變身成為足球小將啦~
Picture

依個足球班係順利村公園進行訓練,都係由地區足球會主辨,規模唔算大。不過我見到在場都有好多大哥哥參加,佢地原來都已經學左好耐啦~
PicturePicture

係未夠鐘上堂前,拎個足球踢吓先~
Picture

可能已經學過一期,有左少少認識,所以小小豬一拎個足球就開得好興奮啦~
PicturePicture

我地家長同教練辦好晒登記之後,就開始可以上堂啦!原來整個足球場就唔同年齡階段嘅小朋友一齊參加,教練會因應佢地年紀,分批進行教學呀~
Picture

小小豬當然係被編入最細嗰組啦,分好組就先做吓熱身先!從遠處望住小小豬,完全冇諗過佢可以咁乖乖跟住教練做運動,一啲扭計都冇,又冇走嚟搵我地,真係令我地有少少喜出望外呀~
Picture

之後教練就分兩個小朋友一組踢吓個足球先,唔知係唔係小小豬係全組最細嗰個,所以教練就親身同小小豬一組,慢慢咁教佢呀~
PicturePicture

之後就教小朋友帶住個足球行一段路,小小豬都似模似樣哦~
PicturePicturePicture

仲識得扭身踢個足球,真係估佢唔到呀(不過我地都係覺得佢係撞彩多,佢又點會識呀)~
PicturePicture

當然係會有發夢嘅時候,企係度唔知佢想點,最後要教練叫返醒佢先識繼續踢呀~
Picture

一個半鐘嘅課堂係好快完結,其實我都真係好佩服教練,佢可以一個人教咁多個小朋友,仲要俾我覺得佢唔係HEA教,我見佢會好留意每一個小朋友,當見到小朋友亂做又或者需要幫忙時,佢都會捉住個小朋友嚟教,所以話呢.....小小豬今次遇到一個好教練啦!

其實小小豬除左遇到好教練之外,同班入面都有幾位年紀比佢大嘅同學仔好照顧佢,見到小小豬件衫走位又會幫佢整返好,仲會係小小豬發夢時又會提佢應該做乜。所以話有好教練同同學仔,小小豬一定會學得開心同投入呀~
Picture

講吓小小豬表現先,唔知係唔係上堂時間唔同左,之後返暑期班係一早八點鐘上堂,所以成日都總係覺得小小豬有啲唔集中又唔合作,見到足球都唔識追咁。不過今日見佢真係有好大唔同,起碼佢絕大部分時間都係專心上堂,又可以跟到教練指示去做,所以都叫做有一大進步呀!

問返小小豬佢都話好鐘意嚟學足球,咁就希望佢可以繼續乖乖咁跟教練學啦。唔係希望佢學到踢得點叻點叻,只希望佢可以透過學踢波,可以學吓啲規矩、社交同埋最重要係跑跑走走可以鍛鍊一吓身體呀!

沒有留言:

發佈留言