2014年9月18日星期四

「迪士尼光影匯」炫目預演

11 SEPTEMBER 2014(THU)

由於之前參加過『奇妙處處通 - 迪士尼光影匯』會員簡介會關係(請按此),所有今日就可以受邀參加「迪士尼光影匯」炫目預演,可以優先睇到夜間巡遊之外,仲可以優先玩黑色世界,真係超興奮呀!

真係未參加先興奮,因為一入場仲有好多禮物啦~
Picture

其實原本都打算一家三口入嚟玩一轉,不過都係因為星期四關係,為免小小豬玩得太夜影響佢第二日返學(雖然小小豬係返下午班,不過都唔可以太夜瞓嘛!),所以最後都係決定約埋同樣受迪士尼邀請嘅好友CARMEN一齊去玩返晚。

朋友仔未到,所以我就先去幻想世界搵已經換好晒萬勝節衫嘅公仔朋友們影吓相先啦~
PicturePicturePicturePicture

影完相就時間剛剛好,CARMEN都已經入到迪迪尼,所以我地就開始玩啦!

第一站當然係去玩鬼屋先啦,其實「詭墳學院」都已經開左應該有三年(如有記錯請見諒),我都玩過應該大大話話有六次,一啲驚嚇位都知道係點,不過當行入去嘅時候都始終都係好驚,我捉到CARMEN隻手不知幾實呀~
PicturePicture

我都真係勁冇用,同場一齊玩嘅小妹妹都比我大膽,行到一半小妹妹直頭拖實我,仲叫我唔洗驚,又叫我小心邊個位,回想起都真係好失禮。

不過講返間鬼屋,唔知係唔係啲佈置都存放左一段時間,所以當我地一行入去時,都嗅到一陣陣異味,雖然都唔算太勁,不過可能係我鼻敏感關係,所以令到個鼻唔太舒服呀!

之後我地就去原野劇場,睇我都幾期待嘅亞馬遜驚魂~
Picture
PicturePicturePicturePicturePicturePicturePicture

坦白講,我個人都好欣賞陳國邦,所以對依個劇場都好有期待。不過睇完之後又令我有少少失望,其實陳國邦真係做得唔錯,見佢都真係非常投入。但整個故事篇排上就好似差左啲啲,既唔覺得驚嚇又冇啲跳舞表演,好似失色左,加上故事尾段又好似有啲夾硬嚟,當各表演者出嚟謝幕時先知係已經完結

最後聽得最多就係『吓...完啦』,係因為我地都唔知最後由陳國邦扮演嘅探險家Jonas嘅下場會係點,所以真係帶住個問號離場呀!

繼續我地就去玩埋另一鬼屋「黑色馬戲班」,依間鬼屋我上年玩時都已經唔驚,何妨今年呢...哈哈哈~
PicturePicture

我地就去玩左一轉灰熊山谷,又去左嘉年華玩吓啲小遊戲拎貼紙呀~
Picture

行過反斗奇兵,當然要影吓啲萬勝節佈置啦~
PicturePicture

路過GLODEN MICKEY,我地就去換了紀念品,只要依指示UPLOAD一張相去任何一個社交網站,就可以有個靚靚扣針啦~
PicturePicture

到左依個時候,我地都玩到攰攰地,加上又非常心急去睇「光影匯」,所以就係GLODEN MICKEY附近搵個靚位準備睇SHOW啦~
Picture

依個時候在場人仕都開動晒光影筆,個場面都好靚呀~
Picture

開始啦...真係睇到我嘩嘩聲,因為真係好靚呀!

奇妙仙子領航隊伍~
PicturePicture

怪獸公司花車隊伍~
PicturePicture

反斗車王花車隊伍~
PicturePicturePicturePicture

小魚仙花車隊伍~
Picture
Picture

貝兒公主燭光隊伍~
Picture
PicturePicture

反斗奇兵花車隊伍~
PicturePicturePicturePicture

米奇及好朋友花車隊伍~
PicturePicturePicturePicturePicturePicturePicture

其實依個「光影匯」可以話係暫時睇過咁多個迪士尼巡遊中我最鐘意嘅一個,因為現場加埋啲音效同氣氛,真係好難唔令你睇得投入,令人超級興奮呀!不過.....如果可以同遊客互動時間長多啲啲,咁就真係冇得頂啦!

興奮完之後,我地就去繼續搵公仔影相啦~
PicturePicturePicturePicture

我今日真係好利害,好耐冇試過一次影咁多公仔,Halloween裝扮嘅公仔我都只係欠Chip & Dale,下次入園希望可以見到佢地,咁我就集郵成功啦...哈哈哈!

最後我地係影埋依個新地標,之後就帶住既攰爆但又好興奮嘅心情走啦~
Picture

「光影匯」真係超正,到依家我都仲回味緊,所以當十月一日正式公演時,一定要搵機會帶埋小小豬入嚟睇多幾次呀!

沒有留言:

發佈留言